Færslur: 2008 Júní

30.06.2008 14:49

Fundur með USVH

Í dag mánudag munu stjórnarmenn HSS og stjórnarmenn USVH hittast til að ræða áframhaldandi samstarf á Unglingalandsmótum framtíðarinnar.

30.06.2008 14:44

Skráningar

Hægt er að fara að skrá sig á frjálsíþróttamót sumarsins inn á fri.is/mótaforrit. Hef ég einnig sent fulltrúum félaganna lykilorð og geta félagsmenn þeirra nálgast þau hjá þeim. Eftirtaldir fengu sent lykilorð Oddný Ásmundsdóttir umf. Hörpu, Sigríður Drífa Þórólfsdóttir umf. Hvöt, Jóhann Áskell Gunnarsson umf.  Geislinn, Aðalbjörg Óskarsdóttir umf. Neisti, Árni Baldursson Sundfélagið Grettir og Bjarnheiður Júlía Fossdal umf. Leifur heppni. Byrjið nú endilega að skrá ykkur kæru félagar. Lokað verður fyrir skráningu á hádegi á föstudag 04.07 fyrir héraðsmótið og á hádegi á þriðjudag fyrir barnamótið.

30.06.2008 14:42

Skipan stjórnar

Þá hefur hina nýja stjórn skipt með sér verkum og er hún þannig skipuð:
Jóhanna Ása Einarsdóttir formaður, Ingibjörg Birna Sigurðardóttir varaformaður, Þorsteinn Paul Newton gjaldkeri, Aðalbjörg Óskarsdóttir ritari og Birkir Þór Stefánsson meðstjórnandi.

25.06.2008 19:55

mótadagskrá sumarsins

Mótadagskrá sumarsins er þétt og er svona:
28. júní fyrri umferð í bikarkeppni í fótbolta.
5. júlí héraðsmót í frjálsum klukkan 11:00 á Sævangi
9. júlí barnamót í frjálsum klukkan 18:00 á Sævangi
12. júlí héraðsmót í sundi klukkan 11:00 á Hólmavík
16. júlí polla- og pæjumót í fótbolta klukkan 18:00 á Grundum
18-20 júlí vestfjarðamót í frjálsum á Bíldudal
Verslunarmannahelgin Unglingalandsmót UMFÍ Þorlákshöfn
9. ágúst seinni umferð í bikarkeppni í fótbolta

13.06.2008 23:59

Unglingalandsmót

Í dag 13. júní fóru fulltrúi frá HSS og fulltrúi frá sveitarfélaginu á fund hjá UMFÍ og kynnti stjórn samtakanna þeirra hugmyndir um hvernig Unglingalandsmót yrði ef það verður ´haldið á Hólmavík 2010. Tókst kynningin mjög vel.

13.06.2008 23:53

ársþing

Ársþing HSS var haldið á Hólmavík 11. júní 2008. Góðir gestir komu frá UMFÍ þau Helga Guðjónsdóttir formaður og Sæmundur Runólfsson framkvæmdastjóri. Þökkum við þeim innilega fyrir komuna. Að venju voru veittar viðurkenningar og var það hinn ungi og efnilegi Guðjón Þórólfsson sem var kjörin íþróttamaður ársins 2007, þá fékk Ragnar Bragason hvatningarbikarinn fyrir störf sín í þágu íþrótta í gegnum árin. HSS færði fulltrúum félaganna gjöf sem var bókin Vormenn Íslands saga UMFÍ í 100 ár. UMFÍ veitti Óskari Torfasyni starfsmerki sambandsins.
Ný stjórn var kjörinn og í henni eru þau Jóhanna Ása Einarsdóttir, Þorsteinn Newton, Aðalbjörg Óskarsdóttir, Ingibjörg Birna Sigurðardóttir og Birkir Þór Stefánsson. Þakkar HSS fráfarandi stjórnarmönnum samstarfið á árinu og óskar þeim velfarnaðar á nýum vettvangi. Einnig eru Kolbeini Skagfjörð Jósteinssyni færðar kærar þakkir fyrir samstarfið á liðnu ári og vonandi eigum við eftir að njóta starfskrafta hans síðar meir.

11.06.2008 15:55

Fréttatilkynning frá UMFÍ

Fréttatilkynning

 

 

 

 

Ungmennafélag Íslands tekur fyrsta skrefið með verkefnið Gæfuspor, fimmtudaginn 19. júní nk. 

 

Gæfuspor er verkefni þar sem fólk 60 ára og eldri er hvatt til að fara út og ganga sér til ánægju og heilsubótar.

 

Verkefnið mun hefjast á 5 stöðum á landinu fimmtudaginn 19. júní og í kjölfarið verður framhaldið skoðað með fleiri staði í huga. 

 

Þeir staðir sem um ræðið að þessu sinni er  Borgarnes, Reykjanesbær, Neskaupsstaður, Selfoss og Sauðárkrókur.

 

Sparisjóðurinn er aðalsamstarfsaðili UMFÍ að verkefninu.  Sparisjóðurinn mun afhenda öllu göngufólki vandaðan jakka sem er merktur Gæfuspori til eignar.   Einnig styrkir Heilbrigðisráðuneytið og Lýðheilsustöð  verkefnið myndarlega.

 

Fimmtudaginn 19. júní kl. 10:00 verður gegnið af stað frá Sparisjóðnum á viðkomandi stað en skráning er frá kl. 09:30 á staðnum en allir 60 ára og eldir eru hjartanlega velkomnir.

 

Í framhaldinu munu hóparnir ákveða hve oft og hvaðan þeir ganga og eins getur fólk valið sér tíma og staði þegar því hentar.  Aðalatriðið er að fara út að ganga á eigin forsendu, sér til ánægju í góðum hópi vina og félaga.

 

Sérstakur bæklingur verður gefin út samhliða verkefninu með ýmsum hagnýtum upplýsingum fyrir göngufólk og mun hann liggja frammi í Sparisjóðnum og á fleiri stöðum.

 

60 ára og eldri eru hvattir til þátttöku.

 

Ungmennafélag Íslands.

 

 

Frekari upplýsingar veitir

Ómar Bragi Stefánsson

omar@umfi.is

898 1095

  • 1
Flettingar í dag: 6
Gestir í dag: 3
Flettingar í gær: 24
Gestir í gær: 11
Samtals flettingar: 375509
Samtals gestir: 73666
Tölur uppfærðar: 23.10.2017 00:56:10