Færslur: 2013 Júlí

25.07.2013 22:14

Unglingalandsmót á Höfn í Hornafirði.


Stjórn HSS hvetur sem flesta til að taka þátt í ULM á Höfn um verslunarmannahelgina.  Senn líður að því að ljúka þarf skráningu á mótið.  Stjórn HSS hefur ákveðið að greiða allt keppnisgjald mótsins fyrir keppendur HSS.  Sameiginleg grillveisla verður á tjaldsvæði HSS og USVH einsog venja er fyrir keppendur og gesti í boði Húnvetninga.  Sendið skráningar á vp@internet.is eða hjá Vigni í síma 8983532.

17.07.2013 23:57

Skráningar á ULM á Höfn 2013.

Búið er að opna fyrir skráningar á ULM á Höfn í Hornafirði.  HSS sendir sameiginlegt lið á mótið með USVH eins og verið hefur undanfarinn ár.  Keppendur eru hvattir til að skrá sig sem fyrst hjá Esther Ösp tómstundafulltrúa (tomstundafulltrui@strandabyggd.is) eða hjá Vigni Pálssyni (vp@internet.is).

Keppnisgreinar á mótinu verða fimleikar, frjálsíþróttir, glíma, golf, hestaíþróttir, knattspyrna, körfubolti, motocross, skák, sund, strandblak og upplestur.

Allir á aldrinum 11 - 18 ára geta keppt á mótinu en einnig eru í boði fjölbreytt verkefni og afþreying fyrir þá sem yngri eru.  Foreldrum og fullorðnum mun ekki leiðast á Höfn en auk þess að fylgjast með íþróttakeppninni  þá geta þau tekið þá í mörgum viðburðum.

15.07.2013 20:37

Góður árangur Strandamanna.

 Strandamenn náðu frábærum árangri í Laugavegshlaupinu nú á laugadaginn.  Til hamingju hlaupagarpar.   Hér á eftir fylgir smá pistill sem mér barst frá Stefáni Gíslasyni.

Mér datt í hug að benda ykkur á aldeilis frábæra frammistöðu Birkis í Tungu í Laugavegshlaupinu sl. laugardag, en Birkir var eini þátttakandinn af Vestfjarðakjálkanum ef marka má skráð póstnúmer þátttakenda. Birkir var að hlaupa Laugaveginn í fyrsta sinn, lauk hlaupinu á 6:11:50 klst. og hafnaði í 35. sæti af þeim 272 sem luku hlaupinu, en í 16. sæti af 81 í flokki 40-49 ára. Þessi árangur er í raun ótrúlegur miðað við að þetta var fyrsta hlaupið, undirbúningurinn takmarkaður og aðstæður ekki ákjósanlegar. Talsverð rigning var á meðan hlaupið fór fram, sérstaklega seinni partinn. Fremur svalt var í veðri og víða talsverður snjór á leiðinni.

Sjálfum gekk mér líka alveg skínandi vel. Þetta var annað Laugavegshlaupið mitt, en ég hljóp líka sumarið 2007, þ.e.a.s. árið sem ég varð fimmtugur. Þá lauk ég hlaupinu á 6:40:50 klst, en bætti þann tíma verulega núna, niður í 5:52:33 klst. Þetta dugði til að vinna yfirburðasigur í flokki 50-59 ára, en í þeim flokki voru samtals 38 hlauparar. Í heildina varð ég nr. 23.

Bestu kveðjur úr Borgarnesi,

Stefán Gíslason


09.07.2013 21:05

Héraðsmót í frjálum.

HÉRAÐSMÓT HSS Í FRJÁLSUM ÍÞRÓTTUM.

2013

 

         Héraðsmót HSS verður haldið á Sævangsvelli laugardaginn 13. júlí n.k., hefst mótið kl: 13:00.   Keppendur mæti  stundvíslega.  Keppendur skrá sig hjá forsvarsmönnum síns félags sem þeir verða að skila í s.l. á föstudagskvöld kl.  22  inná mótaforrit FRÍ.  Nánari upplýsinga veitir Vignir Pálsson í síma 8983532 eða netfang vp@internet.is

         Við kvetjum sem flesta til að mæta og vera með, og endilega takið sólina og góða skapið með.

 

                                                                  Stjórnin.

02.07.2013 15:48

Skólahreysti-tæki vígð

Nú á fimmtudaginn verða vígð Skólahreysti- tæki sem Geislinn hefur keypt fyrir grunnskólabörn á Hólmavík.

Vígslan fer fram nú á fimmtudaginn, milli klukkan 11 og 12 í Íþróttamiðstöðinni. Þar verður hægt að æfa sig í hreystigreipi, upphífingum, armbeygjum og dýfingum auk þess að spreyta sig á þrautabraut. Tímataka og talningar verða í boði fyrir þá sem það vilja.

Að þessu loknu, nánar tiltekið klukkan 12:30, verður keppni í Vestfjarðarvíkingnum í Sundlauginni.

Allir velkomnir!


01.07.2013 21:56

Kvöldmót UDN í frjálsum.

   Ég vil láta ykkur vita að það er kvöldmót hjá okkur í Búðardal 2. júlí og 30. júlí. Strandamönnum er velkomið að taka þátt með okkur. En engin verðlaun eru veitt á mótinu.  En gaman væri að fá þátttakendur frá ykkur á mótin, en þau eru að byrja um kl 18:30.

    Rebekka Eiríksdóttir,    UDN.

 

01.07.2013 14:20

Götuhlaup

Það er opið fyrir skráningu í 10km götuhlaupið á www.hlaup.is

Hlaupið er hluti af stigakeppninni á Landsmótinu svo það er um að gera að senda þáttakendur.

Það er ótakmarkaður þáttökufjöldi og hlaupið er opið öllum.

 

Sjá nánari upplýsingar http://www.hlaup.is/displayer.asp?cat_id=5&module_id=220&element_id=24355


 

  • 1
Flettingar í dag: 11
Gestir í dag: 7
Flettingar í gær: 20
Gestir í gær: 15
Samtals flettingar: 375341
Samtals gestir: 73633
Tölur uppfærðar: 20.10.2017 06:40:12