Færslur: 2014 Apríl

30.04.2014 13:19

Ársþing HSS

Ársþing HSS fer fram í Félagsheimilinu á Hólmavík í dag, miðvikudaginn 30. apríl kl. 19:30

Allir áhugasamir um starfið eru velkomnir

22.04.2014 11:40

Landsmót UMFÍ 50+

Landsmót UMFÍ 50+ Húsavík 20. - 22. júní 2014

Landsmót UMFÍ 50+ er blanda af skemmtun og keppni. Fjölmargar keppnisgreinar eru í boði sem og önnur afþreying um mótshelgina og því ættu allir að finna eitthvað við sitt hæfi, ýmist til að keppa, fylgjast með eða forvitnast! Öllum er heimilt að taka þátt í keppni óháð því hvort þeir eru skráðir ungmennafélagar eða ekki. Skemmtidagskráin verður þétt alla helgina og m.a. haldin kvöldvökur og óvæntar uppákomur. Mikið er lagt upp úr að keppendur og gestir skemmti sér saman þessa helgi og fari heim með góðar minningar. Því eru allir hvattir til að koma til Húsavíkur og eiga skemmtilegar stundir í góðum félagsskap.
Nánari upplýsingar www.umfi.is

 


Föstudagur 20. júní (drög)
Kl. 12:00-19:00        Boccia
Kl. 20:00-21:00        Mótssetning
 

 

 

 

 

Laugardagur 21. júní (drög)

Kl. 09:00-17:00         Golf

Kl. 09:00-12:00         Almenningshlaup

Kl. 10:00- 16:00         Blak

Kl. 10:00- 12:00         Jurtagreining

Kl. 12:00-19.00         Bridds

Kl. 12:00-14.00         Sund

Kl. 13:00-15:00         Línudans 

Kl. 13:00-15:00          Skeet (skotfimi)

Kl. 13:00-16:00         Hestaíþróttir

Kl. 13:00-17:00         Skák

Kl. 14:00- 16:00         Hrútadómar

Kl. 14:00- 15:00         Stígvélakast

Kl. 14:00-15:00         Söguganga

Kl. 14.00-18:00         Frjálsar íþróttir

Kl. 16:00-18:00         Sýningar

Kl. 20:00-21:00         Skemmtidagskrá

 

Sunnudagur 22. júní (drög)

Kl. 09:30-12:30          Pútt

Kl. 09:00-13.00         Þríþraut

Kl. 09:00- 12:00         Riffilskot VSS 100 og 200

Kl. 10:00- 12:30         Bogfimi

Kl. 11:00-12:00         Dráttavélaakstur

Kl. 10:00-13:00         Frjálsar íþróttir

Kl. 10:00-12:00         Pönnukökubakstur

Kl. 10:00-14.00         Ringó íþróttahús

Kl. 14:00-14:30         Mótsslit (opið öllum)

 

 

 

19.04.2014 17:40

Úrslit í borðtennismóti.

Úrslit í borðtennismóti HSS 2014.

10. keppendur tóku þátt í borðtennismóti HSS á Hólmavík.

Flosi Helga, Þorgils, Bjarki Laugja, Gunnólfur og Júlíus kepptu í A-riðli.

Flosi Flosa, Vignir, Friðrik Heiðar, Valur og Helgi Sigurður í kepptu í B-riðli.

Bjarki Laugja varð fyrstur í A-riðli með 4 vinninga og Þorgils annar með 3 vinninga.

Vignir varð fyrstur í B-riðli með 4 vinninga og Flosi Flosa annar með 3 vinninga.

Þessir 4 kepptu til úrslita:

Bjarki vann Flosa Flosason, Þorgils vann Vigni, Vignir og Flosi spiluðu um 3 sætið og Flosi vann,  Þorgils vann síðan Bjarka í úrslitaleik.

1. sæti   Þorgils Gunnarsson.

2.      2. sæti   Bjarki Guðlaugsson.

3.      3. sæti   Flosi Flosason.

17.04.2014 09:51

Borðtennismót HSS

Borðtennismót HSS verð haldið í Íþróttamiðstöðinni á Hólmavík laugardaginn 19, april kl. 15.
Skráning á staðnum,  keppisgjald 690 krónur.  Mætum allir hressir og kátir.

07.04.2014 13:32

Ársskýrsla Hvatar

UMF Hvöt Tungusveit

Frá síðasta ársþingi HSS hefur margt verið um að vera hjá iðkendum Hvatar.

 

 

Frjálsíþróttaæfingar voru haldnar einu sinni í viku á Sævangsvelli einnig fótboltaæfingar einu sinni í viku um mitt sumar.

 

 

Haldnar hafa verið sameiginlegar frjálsíþróttaæfingar nokkurra héraðssambanda í Borgarnesi, Akranesi og Laugardalshöll. Iðkendur  frá Hvöt hafa mætt á þær æfingar með góðum árangri og vonast eftir að það samstarf haldist. Ragnar bóndi á Heydalsá hefur séð um umhirðu á Sævangsvellinum undanfarin ár og þökkum við honum kærlega fyrir það ásamt öðrum sem hafa lagt vinnu við framkvæmd héraðsmóta sem allir eru í 100 % sjálfboðastarfi.

 


 

Héraðsmót HSS var haldið 13. júlí á Sævangsvelli. Á sama Laugavegshlaupið fram og var einn keppenda frá Hvöt.

 

Meistaramót Íslands í fjölþraut var haldið á Sauðárkróksvelli 20.-21. júlí og voru tveir keppendur frá Hvöt.

SamVest mót var haldið í Borgarnesi 13.ágúst sem tókst nokkuð vel.

Þríþraut HSS var haldin á haustmánuði sem tókst mjög vel og voru keppendur frá Hvöt með.

Meðal fleirri móta sem iðkendur Hvatar hafa sótt eru:

  • Landsmót á Selfossi
  •  
  • MÍ öldunga laugardalshöll
  •  
  • MÍ 15-22 ára í laugardalshöll.

Héraðsmót HSS í frjálsum íþróttum innanhús var haldið í desember og tókst vonum framar.

 


 

Síðasliðið haust hófst samstarf á milli Hvatar og Geislans á Hólmavík. Fyrsta verkefnið var göngudagur fjölskyldunnar sem tóks mjög vel. Sameiginlegar æfingar Geislans og Hvatar í frjálsum íþróttum hafa verið undir stjórn Sigríðar Drífu í vetur og eru enn fjölsóttar.

 

 

Síðasta íþróttaár var mjög viðburðaríkt og mikið um persónuleg met.  Höldum áfram að byggja upp íþróttastarfið í sameiningu.

Íþróttir eru fyrir alla.

 


 

F.H stjórnar Hvatar Tungusveit

Sigríður Drífa Þórólfsdóttir

07.04.2014 10:57

Ársskýrsla Geislans

Ársskýrsla

Ungmennafélagið Geislinn 2013

Íþróttaæfingar og þjálfarar:

Árdís Rut Einarsdóttir og Jóhannes Helgi Alfreðsson sáu um körfuboltaæfingar, fótboltaæfingar og frjálsíþróttaæfingar hjá Geislanum vorið 2013. Ingibjörg Emilsdóttir hljóp með hlaupahópnum og sá um styrktaræfingar fyrir þann hóp. Steinn Ingi Árnason og Ingibjörg Árnadóttir voru einnig með Taekwondo-æfingar undir merki Geislans.

Yfir sumarið sáu Jóhannes Helgi Alfreðsson og Trausti Rafn Björnsson ásamt Fjólu Jóhsdóttur um fótboltaæfingar sem voru á sparkvellinum við Grunnskólann. Hadda Borg Björnsdóttir þjálfaði frjálsíþróttakappa úti á Grundum.

Um haustið var hrist upp í allri íþróttaþjálfun hjá Geislanum. Stjórn Geislans fékk stjórn Hvatar til fundar við sig og sameiginleg niðurstaða var að félögin vildu vinna saman að því að efla og styrkja íþróttastarf á Hólmavík og nágrenni. Löngu tímabært samstarf hófst með félögunum og er það mikið gleðiefni.

Þjálfararnir urðu 6 talsins og 7 íþróttagreinar í boði. Eiríkur Valdimarsson tók að sér að þjálfa grunnskólabörn í fótbolta og var með íþróttaskóla. Ingibjörg Benediktsdóttir sá um að koma fullorðna fólkinu í form og var með styrktaræfingar fyrir bæði byrjendur og lengra komna. Jóhanna Rósmundsdóttir sá um íþróttaskóla fyrir leikskólabörn. Michael Wågsjö tók að sér körfuboltaæfingarnar. Steinn Ingi Árnason hélt utan um Taekwondo æfingar og Sigríður Drífa Þórólfsdóttir sá svo um að hífa upp frjálsíþróttamenninguna.

Auk þess hljóp hlaupahópurinn Margfætlurnar úti og öllum var velkomið að hlaupa með þeim.

Við þökkum öllum þjálfurunum árið 2013 fyrir gott samstarf.


 

Lokahóf á vorönn og skólahreystigjöf:

Að vori var efnt til lokahófs fyrir íþróttaiðkendur Geislans.

Þar komu allir þeir sem höfðu verið að æfa íþróttir um veturinn saman. Allir hópar sýndu sig og leyfðu hinum að fá smá innlit í sína íþrótt. Formaður Geislans tilkynnti á lokahófinu þá ákvörðun stjórnar Geislans að gef öllum börnum í Strandabyggð gjöf. Gjöfin var skólahreystitæki svo börnin gætu æft hreystigreip, upphífingar, dýfur og armbeygjur og vonin var sú að Grunnskólinn á Hólmavík myndi taka þátt í Skólahreysti sem fyrst.

Að lokum var boðið upp á grillaðar pylsur og svala fyrir alla sem mættu á lokahófið.

Þegar skólahreystitækin voru komin til Hólmavíkur fengum við íþróttasalinn lánaðann og allir gátu fengið að prófa tækin. Margir fóru einnig í gegnum hindrunarbraut og létu taka tímann á sér í brautinni.


 

17. júní:

Geislinn sá um hátíðarhöldin á Hólmavík á Þjóðhátíðardaginn. Helímblöðrur voru til sölu og í boði var andlitsmálun fyrir alla í félagsheimilinu. Skrúðganga fór frá félagsheimilinu og gengið í Hvamminn við kirkjuna.

Fjallkonan heiðraði samkomuna með nærveru sinni og fallegu ljóði. Sælgæti var selt í bílförmum og fólk gat tekið þátt í hiinum ýmsu þrautum og leikjum þar sem sigurvegarar fengu gjafabréf á kaffihúsum í Strandabyggð.


 

Göngudagur fjölskyldunnar:

Stjórn Geislans og stjórn Hvatar ákváðu að halda sameiginlegan Göngudag fjölskyldunnar. Gengið var á Kirkjubólsfjall 29. ágúst. Á sjálfan göngudaginn rigndi eins og hellt væri úr fötu en engu að síður var ákvðið að halda göngudaginn, boðið var upp á soðnar pylsur í Sævangi að göngu lokinni. Um 50 manns mættu á þennan viðburð sem heppnaðist einstaklega vel og ungir og gamlir voru stoltir af því að hafa ekki látið veðrið stöðva sig.


 

Frjálsar íþróttir:

Mikil vakning hefur verið í frjálsum íþróttum og á Sigríður Drífa Þórólfsdóttir mestan heiður af því. Hún hefur séð um að þjálfa börnin í frjálsíþróttagreinum og vekja áhuga þeirra. Mikið hefur verið um SamVest-samæfingar og keppendur hafa farið á hin ýmsu frjálsíþróttamót. Það hafa allir keppendur sem hafa farið fyrir okkar hönd staðið sig frábærlega og verið til sóma. Fyrsta innanhúsmót í frjálsum íþróttum var einnig haldið á vegum HSS á Hólmavík í desember þar sem var margt um manninn.

Stjórn Geislans hefur í vetur fundað með sveitarstjórn og sveitarstjóra Strandabyggðar, tómstundafulltrúa, stjórnum Hss og Hvatar til að þrýsta á að geta hafið uppbyggingu á frjálsíþróttavelli á Hólmavík. Jákvæður tónn hefur ríkt á þessum fundum og vilji til að vinna að uppbyggingu. Brekkurnar eru þó brattar, skrefin stutt og hlutirnir kosta - en allt er hægt ef viljinn er fyrir hendi.


 

Taekwondo:

Mikill fjöldi iðkenda hefur stundað Taekwondo á síðasta ári og íþróttin hefur verið best sótt. Því er að þakka miklum áhuga og elju Steins Inga Árnasonar þjálfara. Fyrsta beltaprófið á Hólmavík fór fram í mars og um 30 nemendur þreyttu prófið.


 

Mót:

Eins og hefur komið fram í skýrslunni tóku iðkendur frá Geislanum þátt í hinum ýmsu frjálsíþróttamótum á árinu og stóðu sig með miklu sóma.

Fótboltalið frá Geislanum fór á Goðamótið á Akureyri og komu heim með Goðamótsskjöldinn fyrir prúðmennsku. Einnig fór hópur drengja á Smábæjarleikana á Blönduósi og kepptu þar í fótbolta, eitt lið frá Geislanum og annað lið sameiginlegt með fótboltaköppum frá Geislanum og Kormáki. Króksmótið var líka vel sótt af fótboltadrengjum. Ungir og efnilegir knattspyrnumenn hafa staðið sig með sóma.

Á árinu keppti karlalið Geislans ásamt liði Snæfells í fótbolta í 4. deild um Borgunarbikarinn.


 

Styrkir:

Í upphafi árs fékk félagið styrk frá Mennta- og menningarmálaráðuneytinu til að bæta áhaldakost til frjálsíþróttaiðkunar og frjálsíþróttaaðstöðu félagsins. Margt lagaðist í sambandi við áhöld þegar Geislinn og Hvöt ákvað að vinna betur saman og samnýta þau tæki og tól sem til voru. Fjármagnið fór í að kaupa nýja vallarmerkivél, kúluvarpskúlur og kringlur.

HSS veitti einnig styrk til að bæta frjálsíþróttaaðstöðu og undir lok árs veitti Orkubú Vestfjarða styrk til að efla frjálsar íþróttir á svæðinu.


 

Lokaorð:

Það má með sanni segja að árið hafi verið spennandi og skemmtilegt hjá Ungmennafélaginu Geislanum.

Þjálfarar hafa staðið sig með sóma og iðkendum hefur fjölgað mikið.

Framtíð okkar er björt og við eigum margar stjörnur sem skína skært.

Verum dugleg að efla sál og líkama - höldum ótrauð áfram!


 

Fyrir hönd stjórnar Geislans,

Árný Huld Haraldsdóttir, formaður.

07.04.2014 10:53

Sérsjóður HSS

Umsóknarfrestur í sérsjóð HSS rennur út 15. April n.k.  Meðfylgjandi er reglugerð sérsjóðsins en henni var lítilega breytt á síðasta þingi.

 

1. Í sérverkefnasjóð fer 10% af innkomu fé frá Lottói.

Sjóðurinn er lagður á sérreikning og vextir leggjast við höfuðstól.

2. Félög geta sótt um til HSS fyrir 15. apríl ár hvert.

Með umsókn fylgi greinargerð með fjárhagsáætlun ásamt tímaramma. Stjórnin

tilkynni félögum fyrir 7. maí um afgreiðslu málsins. Fulltrúi stjórnar taki verkið út áður

en greitt er úr sérsjóðnum eða lagt er fram fullnægjandi gögn.  

3. Ef féð verður ekki notað til verkefna sem sótt er um verður félagið að endurgreiða féð

innan fjögurra mánaða frá áætluðum framkvæmdartíma.

Ef félag hafi ekki hafið framkvæmdir fyrir 15. apríl næsta ár, þarf félag að endurnýja

umsóknina.
 

4. Forgangsverkefni væri að bæta íþróttaaðstöðu á svæðinu. Og veita til annarra

verkefna svo sem þjálfunar, óvæntra áfalla, ferðakostnaðar á mót sem HSS fer ekki á,

nýjungar í starfi og fleira.

Umsóknir berist til framkvæmdarstýru á póstfangið tomstundafulltrui@strandabyggd.is

  • 1
Flettingar í dag: 11
Gestir í dag: 7
Flettingar í gær: 20
Gestir í gær: 15
Samtals flettingar: 375341
Samtals gestir: 73633
Tölur uppfærðar: 20.10.2017 06:40:12