HSS hefur eignast Íslandsmeistara í hástökki pilta 15-16 ára innanhúss. Guðjón Þórólfsson sigraði á meistaramótinu sem haldið var síðustu helgina í janúar. Stökk hann yfir 1,80 metra. Óskum við Guðjóni innilega til hamingju. Er þetta enn einn titillinn hjá þessum bráðefnilega íþróttamanni.

Þá hefur endanleg ákvörðun verið tekin. Unglingalandsmót UMFÍ verður ekki haldið á Hólmavík 2010. Var það ljóst að ekki væri hægt að standa við skuldbindingar í sambandi við mótið þegar í ljós kom að ekki fengist fjárframlag frá ríkinu. Vonandi verður vilji hjá stjórnarmönnum HSS og sveitarstjórn Strandabyggðar til að sækja aftur um þegar efnahagsástandið lagast.