Frjálsíþróttadeild ÍR heldur hina árlegu Haustleika ÍR í flokkum 16 ára og yngri í Laugardalshöllinni laugardaginn 21. nóvember n.k.  Mótið er nefnt SILFURLEIKAR til að minnast afreks ÍR-ingsins Vilhjálms Einarssonar sem vann silfurverðlaun í þrístökki á Ólympíuleikunum í Melbourn í Ástralíu í 1956. Silfurleikar ÍR er opið mót sem hefur átt miklum vinsældum að fagna undanfarin ár. Þátttakendur í fyrra voru 620 sem var metþátttaka.