66. Ársþing HSS verður haldið í Félagsheimilinu Sævangi þriðjudaginn 30. april kl. 19:30.  Þingfulltrúar vinsamlega mætið stundvíslega.

            1.         Þingsetning.

2.         Tilnefning fundarstjóra, varafundarstjóra, og tveggja fundarritara.

3.         Skipun kjörbréfanefndar.

4.         Skýrsla stjórnar.

5.         Lagðir fram endurskoðaðir reikningar.

6.         Skýrsla framkvæmdastjóra.

7.         Kosning nefna þingsins. a) Uppstillingarnefnd.  b)  Fjárhagsnefnd. 

c)  Íþróttanefnd         d)  Alsherjar og laganefnd.

8.         Framkomnar tillögur lagðar fram og vísað til nefnda.

9.         Nefndarstörf.

10.       Nefndarálit,  umræður og atkvæðagreiðslur.

11.       Kosningar.  a)  Stjórn og varastjórn sbr. 17. grein.    b)  Tveir endurskoðendu og tveir til vara.  c)  Ráð og nefndir skv. gildandi samþykktum og reglugerðum.

12.       Önnur mál.

13.       Þingslit.          

                        Með félagskveðju,                  Vignir Örn Pálsson. Form. HSS.

Fulltrúa fjöldi félaga:  Harpa             5

                               Hvöt               5

                               Geislinn         16

                               Golfklúbbur Hólm.           4

                               Skíðafélag Strandam.      6

                               Neisti              7

                               Sundf. Gettir    5

                               Leifur Heppni   5

Hér með er auglýst eftir umsóknum frá aðildarfélögum HSS í sérverkefnasjóð sambandsins. Umsóknarfrestur er til og með föstudags 26. apríl nk. Umsóknir sem berast eftir miðnætti þann dag eru ekki teknar gildar. Sérsjóðurinn styrkir margvísleg verkefni á vegum aðildarfélaganna, en forgangsverkefni er að bæta íþróttaaðstöðu á svæðinu.  Einnig er mögulegt að sækja um vegna verkefna eins og þjálfunar, óvæntra áfalla, ferðakostnaðar á mót sem HSS fer ekki á, nýjungar í starfi og fleira. Stjórn HSS tekur ákvörðun um og úthlutar styrkjunum. 

Sækja skal um skriflega. Senda má umsókn með landpóstinum eða á netfangið tomstundafulltrui@strandabyggd.is. Umsókn verður að halda innihalda lýsingu á fyrirhuguðu verkefni og kostnaðaráætlun.

Um síðustu helgi keppti Birkir Þór Stefánsson í 10 km göngu með hefðbundinni aðferð á Skíðamóti Íslands á Ísafirði. Birkir átti góða göngu og gekk á tímanum 35,35 mínútum sem tryggði honum 5. sætið af 13 keppendum og var hann 3,45 mínútum á eftir sigurvegaranum Sævari Birgissyni frá Ólafsfirði. Nánari úrslit úr göngunni má sjá með því að smella hér. 

Þetta kom fram á nýrri heimasíðu Skíðafélags Strandamanna.

Borðtennismót HSS 2013 var haldið í Íþróttamiðstöðinni á Hólmavík 30. Mars.  13 keppendur tóku þátt og var keppnin mjög skemmtileg.  Hópnum var skipt í tvo riðla, 2 efst í hvorum riðli kepptu síðan til úrslita um 3 efstu sætin. 

Keppendur í A- riðli voru: Arnór Jónsson, Jói Alfreðs., Magnús  Ingi, Flosi Flosa, Vignir, Friðbjörg  og Kristófer. Kristófer hlaut 6 vinninga, Flosi Flosa 5, Vignir 4, Magnús Ingi 3, aðrir minna.

Keppendur í B- riðli voru: Alfreð, Steinar Ingi, Flosi Helga, Einar Alfreðs., Birta Hauksd og Jón Jónsson.  Jón hlaut 5 vinninga, Alfreð 4, Flosi Helga 3, Einar 2, aðrir minna.

Borðtennismeistari HSS 2013 varð Jón Jónsson, Kristófer Jóhannsson varð annar og Alfreð Gestur Símonarson þriðji.

HSS þakkar öllum keppendum kærlega fyrir þátttökuna og hlakkar til að hitta þá aftur að ári!

Héraðsmót HSS í borðtennis verður haldið í Íþróttamiðstöðinni á Hólmavík laugardaginn 30. mars nk. Mótið hefst kl. 13:00. Keppt verður í einliðaleik í opnum flokki (ekki skipt í kyn eða aldursflokka). Mótið er ætlað keppendum 14 ára og eldri og þátttökugjald er 690.- pr. mann sem greiðist í afgreiðslu íþróttamiðstöðvarinnar.

Hægt er að skrá sig hjá Arnari með því að senda póst í netfangið tomstundafulltrui@strandabyggd.is.

Aðalfundur Umf. Geislans verður haldinn 26. mars kl. 18:00 á kaffistofu Hólmadrangs.

Á dagskrá eru venjuleg aðalfundarstörf:

1. Skýrsla stjórnar

2. Reikningar félagsins.

3. Kosning nýrrar stjórnar.

4. Önnur mál.

Starfið í stjórn Geislans er gefandi og spennandi. Í stjórninni getum við haft áhrif á starf félagsins og tekið þátt í að gera íþróttastarfið skemmtilegra. Allir eru hjartanlega velkomnir og vonandi láta sem flestir sjá sig!

Stjórn Geislans.

Á morgun fer hin árlega Strandaganga fram í Selárdal. Fram kemur á nýjum vef göngunnar að útlit sé fyrir afskaplega gott veður og hentugar aðstæður en spáð er hægviðri, sólskini með köflum og dálitlu frosti. Lagðar voru brautir fyrir gönguna á síðustu helgi og hefur þeim verið viðhaldið í vikunni. Í boði er að ganga 1, 5, 10 og 20 km, en gangan sem er 1 km. að lengd er þó ætluð yngstu keppendunum. Skráning í gönguna gengur mjög vel og streyma skráningar inn, en skráningarfrestur rennur út í kvöld. Eftir gönguna verður að vanda boðið upp á glæsilegt kökuhlaðborð í Félagsheimilinu á Hólmavík auk þess sem verðlaunaafhendingin fer fram á sama tíma.

Á sunnudaginn verður síðan Skíðaleikjahátíð í Selárdal frá kl. 10:00-12:00, en þessi skemmtilega nýbreytni er nú prófuð í fyrsta skipti. Þar verður farið í marga skemmtilega skíðaleiki og hægt verður að fara í þrautabraut. Eftir hátíðina hafa allir gestir hennar kost á því að kíkja í gómsætt pizzahlaðborð á Café Riis.

Við hjá HSS hvetjum fólk til að fjölmenna í Strandagönguna á morgun, hvort sem er til að keppa, horfa á, hvetja eða borða kökur. Gleðilega hátíð!

Sigurvegararnir - frá vinstri Þorsteinn Paul Newton, Jón Jónsson, Hlynur Þór Ragnarsson, Sóley Ósk Sigurgeirsdóttir, Ingimundur Jóhannsson og Jón Ingimundarson. Myndir með þessari frétt © Jón Jónsson.

Héraðsmót HSS í badminton var haldið með pompi og prakt í íþróttamiðstöðinni á Hólmavík laugardaginn 9. mars sl. Keppt var í tvíliðaleik í opnum flokki (óháð aldri og kyni) fyrir fjórtán ára og eldri.

Árið 2012 kepptu 12 lið en á laugardaginn kepptu 15 lið þannig að óhætt er að segja að þátttakan hafi verið frábær. Mikil og góð stemmning var í húsinu frá upphafi til enda, fjöldi manns kíkti við og hvatti keppendur og allir skemmtu sér hið besta.

Eftir harða keppni stóðu Sóley Ósk Sigurgeirsdóttir og Hlynur Þór Ragnarsson uppi sem sigurvegarar. Í öðru sæti urðu Jón Jónsson og Þorsteinn Paul Newton og í því þriðja urðu feðgarnir Ingimundur Jóhannsson og Jón Ingimundarson. HSS þakkar öllum keppendum kærlega fyrir þátttökuna og hlakkar til að hitta þá aftur að ári!