HSS heldur héraðsmót í skíðagöngu á morgun sunnudaginn 20. mars í Selárdal og hefst mótið kl. 11.  Keppt verður í göngu þar sem fyrst er genginn 1 hringur með hefðbundinni aðferð, skipt um skíði og annar hringur genginn með frjálsri aðferð.

Ekki er skylda að skipta um skíði, heldur má ganga á þeim sömu alla leið.  Keppt er í öllum flokkum og vegalengdir eru þær sömu og í skíðafélagsmótum en sem dæmi ganga karlar 17 ára og eldri 5+5 km og konur 2,5+2,5 km. 

Verðlaun verða veitt að göngu lokinni. Mótið er öllum opið. Skráning á staðnum.

Fótboltamót á Hólmavík 12/12 2010.

            85 krakkar tóku þátt í fótboltamóti sem HSS stóð fyrir í Íþróttamiðstöðinni á Hólmavík.  Keppt var í þremur flokkum 6 - 9 ára, 10 - 11 ára og 12 - 13 ára,  strákar og stelpur saman í liði.  22 krakkar komu frá Hvammstanga (USVH), 28 krakkar frá UDN (Búðardalur og Reykhólar) og 35 krakkrar voru frá sambandssvæði HSS. Umf. Geislinn á Hólmavík sá um sölu veitinga í Íþróttamiðstöðinni á meðan á mótinu stóð.  Sundlaug og heitupottarnir voru einnig opnaðir þegar líða tók að mótslokum. Eftir mót var öllum boðið á pissahlaðborð frá Cafe Riis í félagsheimilinu, þar fengu allir keppendur líka þátttökuviðurkenningu.  HSS þakkar Strandabyggð fyrir afnot af félagsheimilinu og Íþróttamiðstöðinni.  Myndir frá mótinu má sjá á heimsíðu Ingimunds Pálssonar 123.is/mundipals.
     

                        Með bestu kveðju,                    Vignir Pálsson form. HSS.

Innanhúsmót í fótbolta

í Íþróttamiðstöðinni á Hólmavík

sunnudaginn 12. desember 2010

Keppt verður í flokkum 6 - 9 ára (1. - 4. bekkur),  10 - 11 ára (5. - 6. bekkur), 12 - 13 ára (7. - 8. bekkur). Keppnin hefst kl. 10:00.

Pizzahlaðborð frá Cafe Riis og þátttökuverðlaun eru fyrir alla keppendur, þátttökugjald er 1200 kr. á hvern leikmann.

Krakkar frá félagssvæði USVH (Hvammstanga) og UDN (Búðardalur og Reykhólasveit) eru boðnir sérstaklega velkomnir á þetta mót með krökkunum á félagssvæði HSS. 

Þátttakendur skrái sig hjá sínum liðstjórum, sem senda skráningarnar á netfangið vp@internet.is, einstaklingar geta einnig skráð sig með sama hætti. Þeim verður raðað í lið á staðnum. Sendið skráningar fyrir 10. desember.

Umf. Geislinn mun sjá um veitingasölu í Íþróttamiðstöðinni á með mótið er í gangi.                       Allir með í boltanum!!!

Stjórn HSS

Ágætu félagar.

ÍSÍ býður upp á fræðslukvöld næstu tvo fimmtudaga, þann 21. okt í RKV og 28. okt, á Akureyri.  Bæði fræðslukvöldin standa yfir frá kl. 17.00-21.00.  Að þessu sinni verður boðið upp á íþróttasálfræði og verða það sálfræðingarnir Hafrún Kristjánsdóttir og Rúnar Andrason sem munu sjá um fyrirlestrana/kennsluna.  Fræðslukvöldin eru öllum opin, eru liður í þjálfaramenntun ÍSÍ á 2. stigi og henta jafnframt vel sem endurmenntun fyrir íþróttakennara og íþróttaþjálfara.  Þau henta einnig iðkendum í öllum íþróttum.

Þátttökugjald er kr. 3.000.-  Skráning er á namskeid@isi.is eða í síma 514-4000.

Nánari uppl. veitir sviðsstjóri fræðslusviðs ÍSÍ í síma 460-1467 eða á vidar@isi.is

Með bestu kveðju,

Viðar Sigurjónsson

Sviðsstjóri fræðslusviðs ÍSÍ

Glerárgötu 26, Akureyri

Sími: 460-1467 & 863-1399

Unglingalandsmót í Borganesi!

Nú fer senn að líða að 13. unglingalandsmóti sem haldið verður í Borganesi þetta árið, mótið fer fram dagana 29. júlí - 1. ágúst. Allir sem skráðir eru í HSS á aldrinum 11-18 ára eiga nú möguleika á því að skreppa í Borganes og keppa í hinum ýmsu greinum. Greinarnar sem eru í boði eru dans, frjálsíþróttir, glíma, golf, hestaíþróttir, knattspyrna, körfubolti, mótocross, skák og sund. Keppnisgreinar fatlaðra eru sund og frjálsíþróttir.

Glæsileg íþróttamannvirki eru til staðar í Borgarnesi. Íþróttaleikvangurinn er vel staðsettur og við hlið hans eru knattspyrnuvellir, sundlaug og íþróttahús. Önnur íþróttamannvirki eru í bænum eða næsta nágrenni. Tjaldstæði keppenda verður rétt utan við bæinn en boðið verður uppá góðar samgöngur að keppnissvæðunum.

Eins og síðustu ár mun HSS verða í samstarfi með Hvammstanga á  mótinu og verður því nóg af félagskap á svæðinu. Steinar Ingi mun sjá um skráningu á mótið þetta árið en hægt er að ná í hann í síma 867-1816 eða á netfangið steinar_raudi@hotmail.com. SÍÐASTI SKRÁNINGADAGUR ER 20. JÚLÍ! Eftir það er ekki hægt að skrá lengur á mótið og er því um að gera að skrá sem fyrst svo enginn gleymist.

Þáttökugjald er 6000kr á keppanda en HSS borgar niður 1000kr af hverjum og einum.

HSS