Sundmót HSS

Næstkomandi laugardag 13. Júní fer fram héraðasmót í sundi í Sundmiðstöðinni á Hólmavík. Nú er mál að allir keppi fyrir sitt félag og safni stigum, einnig eru gestir velkomnir í laugina til keppni eða bara til áhorfs. Allir keppendur 10 ára og yngri fá þátttökupening. Mótið hefst klukkan 12:00 en gott er að keppendur mæti aðeins fyrr til upphitunar. Byrjað verður á elstu keppendunum og endað á þeim yngstu.

Greinarnar sem keppt verður í:

Konur 17-29 ára og 30+, Karlar 17-34 ára og 35+:

25 m flug, 50 m skrið, 50 m bak, 50 m bringa, 100 m skrið, 

100 m bringa

Sveinar og Meyjar 15-16 ára:

25 m flug, 50 m skrið, 50 m bak, 50 m bringa, 100m bringa

Piltar og telpur 13-14 ára:

25 m skrið, 25 m bak, 25 m flug, 50 m bringa, 100 m bringa

Strákar og stelpur 11-12 ára:

25 m skrið, 25 m bak, 25 m flug, 50 m bringa

Hnokkar og hnátur 10 ára og yngri:

25m bringa og 25 m skrið

Boðsund:

4x50 m með frjálsri aðferð karla og kvenna

Skráningu lýkur á miðnætti föstudaginn 12. Júní og skulu keppendur skrá sig með e-maili á valur@sporthusid.is, í síma 847-7075 eða í eigin persónu hjá Val.

Þeir sem hafa ekkert að gera á laugardaginn og ætla ekki að keppa eru velkomnir til starfa á bakkanum, í tímatöku og skráningu á tímum.

Þá er nýyfirstaðið ársþing HSS sem haldið var á Drangsnesi.

Fyrst af öllu langar mig að bjóða velkominn til starfa nýjan formann HSS, Jóhann Björn Arngrímsson, stjórn HSS og ráðameðlimi.

Ég ætla ekki að fara þylja upp allt sem fram fór á þinginu heldur þurfa áhugasamir að sækja fundargerðina.

Á þinginu voru veitt verðlaun íþróttamanni ársins sem er Birkir Þór Stefánsson og hvatningarverlaun sem veitt voru Bjarnheiði Fossdal.

Fundargerð þingsins er hægt að nálgast hér að ofan undir skrár sem og að mótafyrirkomulag sumarsins er komið þar inn(set það samt hér að neðan).

 Mótafyrirkomulag sumarsins 2009

13. júní Sundmót á Hólmavík.

17. júní Polla- og pæjumót í knattspyrnu á Skeljavíkurgrundum.

27. júní Héraðsmót í frjálsum á Sævangi.

4. júlí Bikarkeppni karla í knattspyrnu, fyrri umferð, á Skeljavíkurgrundum.

9-12. júlí Landsmót UMFÍ á Akureyri.

22. júlí Barnamót í frjálsum á Sævangi.

25. júlí Bikarkeppni karla í knattspyrnu, seinni umferð, á Drangsnesi.

31. júlí-2. Ágúst Unglingalandsmót UMFÍ á Sauðárkróki.

8. ágúst Mótorcrossmót á Hólmavík

9. ágúst Golfmót á Skeljavíkurgrundum.

Nú þegar mótafyrirkomulagið er komið á hreint er um að gera að fara að skipuleggja sumarið og vera tímanlega í að skrá keppendur til leiks. Fyrsta mót sumarsins sem er Sundmótið á Hólmavík er eftir tæpar 2 vikur og skal skráningu vera lokið fyrir miðnætti föstudaginn 12. Júní.

Þeir sem langar til að hjálpa við framkvæmd mótsins (taka tíma og skrá) er velkomið að láta vita í síma 847-7075 eða á tölvupóstfangið valur@sporthusid.is. Nánari auglýsing um sundmótið kemur inn á morgun og fljótlega myndir frá ársþinginu.

HSS hefur ákveðið að opna síma til að liðka fyrir upplýsingastreymi og eins ef einhverjir vilja bjóða sig fram sem sjálfboðaliða til að vinna að Unglingalandsmótinu árið 2010.  Er hægt að hringja í Ásu í síma 4563626 og eins er hægt að senda tölvupóst á stebbij@snerpa.is. Endilega hringjið ef þið hafið einhverjar spurningar eða ábendingar.