Þann 1. febrúar síðastliðinn hófst átakið Lífshlaupið sem er heilsu- og hvatningarverkefni Íþrótta- og Ólympíusambands Íslands og höfðar til allra aldurshópa. Forsaga Lífshlaupsins er sú að árið 2005 skipaði þáverandi menntamálaráðherra Þorgerður Katrín Gunnarsdóttir starfshóp til þess að fara yfir íþróttmál á Íslandi með það að markmiði að móta íþróttastefnu. Starfshópurinn setti fram hugmyndir um mótun íþróttastefnu Íslands í skýrslunni, Íþróttavæðum Ísland, auka þátttöku, breyttur lífsstíll (www.lifshlaupid.is).

            Undanfarin ár hefur orðið töluverð vakning um lýðheilsu á meðal fólks á starfssvæði HSS. Nýting Íþróttamiðstöðvarinnar á Hólmavík hefur margfaldast sérstaklega á meðal fullorðinna einstaklinga. Fólk virðist vera farið að hugsa æ betur um heilsuna, það setur sér markmið allt að því ár fram í tímann um að taka þátt í viðburðum. Fyrirtæki og skólar á svæðinu etja kappi við að ná sem flestum tímum í ýmiskonar íþróttaviðburðum. Flestir sem rætt var við telja að heilsa sín sé betri með markvissri hreyfingu hvort sem farið er einu sinni í viku eða oftar og mismunandi greinar verða fyrir valinu. Í Íþróttamiðstöðinni á Hólmavík eru í boði skipulagðar æfingar sem ungmennafélagið Geislinn heldur utan um en þar má nefna fótbolta, íþróttaskóla fyrir 6-10 ára, leikskólaíþróttir, frjálsar íþróttir, stöðvaþjálfun, körfubolta/handbolta, auk þess sem nýverið byrjaði leikfimi og er farið í teygjur, spennulosun og þol. Eldri iðkendur hafa verið duglegir að mæta í badminton, körfuboltaæfingar, sund og stunda líkamsrækt í Flosabóli sem er lyftingasvæði íþróttamiðstöðvarinnar. Hlaupahópurinn Margfætlurnar halda úti skipulögðum hlaupaæfingum og Skíðafélag Strandamanna verið með skipulagt starf innan sinna raða, má þar nefna línuskautaæfingar sem eru einu sinni í viku og hefur notið mikilla vinsælda á meðal barna. Gönguhópurinn Gunna fótalausa fer í sínar reglulegu hádegisgöngur á þriðjudögum sem eru einfaldar og stuttar göngur og henta öllum, vönum jafnt sem óvönum. Eldri borgarar hafa farið í gönguferðir í hverri viku þegar veður leyfir ásamt því að hittast í Íþróttamiðstöðinni á Hólmavík á föstudögum og stunda boccia.

            Á Drangsnesi er sundlaug með heitum pottum og smá líkamsræktaraðstaða sem fólk hefur verið duglegt að nota. Einnig hafa bæjarbúar sótt íþróttaviðburði á Hólmavík og æfingar hjá skíðafélaginu. Starfsfólk Grunnskólans á Drangsnesi er duglegt að safna tímum í Líflshlaupinu.    

                          Sigríður Drífa Þórólfsdóttir.

Silfurleikar ÍR verða á laugardaginn 19. nóv.    Stjórn HSS hefur ákveðið að styrkja hvern keppanda sem keppir fyrir HSS um 2000kr. af keppnisgjaldinu.   Hrefna tekur við skráningum á mótið ef fleiri vilja keppa á mótinu.  Sendið skráninguna á hregud@hotmail.com

BARNAMÓT HSS Í FRJÁLSUM FYRIR 12 ÁRA OG YNGRI.

Þá er sumarið 2016 senn á enda og margt hefur drifið á daga okkar í sumar. 
Polla og Pæjumót HSS. sem Haldið var um Hamingjudaga. þanngað mættu 28 Krakkar og 10 fullorðnir og áttu saman góða morgunstund í fótbolta.

Héraðsmót HSS var Haldið 25.Júlí á Sævangi í hefðbundu Héraðsmóts veðri þátttakan var heldur með slakari kannti en tel ég að þeir sem mættu hafi átt ánægulega stund.
hér eru tímar,lengdir og úrslit.
http://thor.fri.is/SelectedCompetitionResults.aspx?Code=M-00000061

Unglingalandsmót UMFÍ var haldið Borganesi þetta árið og létu strandamenn og konur sig ekki vanta þangað. 9 Keppendur kepptu undir merki HSS í frjálsum,körfubolta og Knattspyrnu.
margir bættu sín persónulegu met og 2 komumst á verðlaunapall.
En umfram allt skemmtu sér allir vel.


Framkvæmdastjóri lætur af störfum eftir þennan pistil og vill þakka Hólmvíkingu og sveitungum öllum kærlega fyrir góðar móttökur og samvinnu síðas liðið ár. 
með ósku um velfarnað á komandi ári.
-Elísabet Kristmundsdóttir

Frá umfí   
Unglingalandsmót UMFÍ 28.júlí- 31.júli.
Upplýsingar til forráðamanna vegna Unglingalandsmóts UMFÍ Ungmennafélag Íslands (UMFÍ) er landssamband ungmennafélaga í landinu. UMFÍ var stofnað árið 1907 og hefur starfað allar götur síðan. Verkefni UMFÍ hafa verið fjölmörg í gegnum tíðina og á síðustu árum hafa Unglingalandsmótin verið stærstu verkefni hreyfingarinnar.

Unglingalandsmót eru vímulaus íþrótta- og fjölskylduhátíð sem haldin er árlega og ætíð um verslunarmannahelgina. Mótin eru haldin á mismunandi stöðum en á þessu ári verður mótið haldið í Borgarnesi.
 Unglingalandsmótið er öllum opið á aldrinum 11 - 18 ára. Allir geta tekið þátt, óháð hvort viðkomandi sé í einhverju íþróttafélagi eða ekki. Allir geta tekið þátt. Uppistaða Unglingalandsmótsins er íþróttakeppnin en keppt er í fjölmörgum íþróttagreinum. Einnig er mikið lagt upp úr alls konar afþreyingu frá morgni til kvölds fyrir alla aldurshópa og ekki síst fyrir krakka sem eru 10 ára og yngri og eiga ekki möguleika að taka þátt í íþróttakeppni mótsins.
Þátttökugjald er kr.7.000.- og er best að greiða það við skráningu. Lokað er fyrir skráningu um miðnætti sunnudagsins 24. júlí. Allir sem hafa greitt keppnisgjaldið geta tekið þátt í öllum viðburðum án nokkurs annars kostnaðar. Keppa má í eins mörgum keppnisgreinum og hver og einn vill og getur.
Í nokkrar hópíþróttagreinar geta einstaklingar skráð sig til keppni þrátt fyrir að hafa ekkert sérstakt lið á bak við sig. Við sjáum um að koma viðkomandi í lið eða búum til lið þannig að allir geti keppt. Ókeypis er fyrir þátttakendur og fjölskyldur á tjaldsvæði mótsins. Sérstakar reglur gilda á tjaldsvæðinu sem öllum ber að fara eftir og á það ekki síst við um neyslu áfengis.
Aðgangur að rafmagni á tjaldsvæðinu en fyrir hendi en rukkað er lágmarksgjald kr. 3.500.- fyrir alla helgina. Unglingalandsmót UMFÍ hafa notið mikillar hylli og viðurkenningar og eftir þeim hefur verið tekið jafnt á Íslandi sem erlendis. Við leggjum áherslu á að allir fái að njóta sín og taka þátt á sínum forsendum.
Við leggjum áherslu á að jafnrétti sé í hávegum haft og strákar og stelpur hafi jafnan aðgang að allri dagskrá mótsins.



Dagskrá
Unglingalandsmóts UMFÍ 2016

Fimmtudagur 28. júlí
08:00 - 14:00 Golf Golfvöllur Hamars
12:00 - 21:00 Karfa Íþróttahús

Föstudagur 29. júlí
08:00 - 14:00 Golf Golfvöllur Hamars
08:00 - 20:00 Karfa Íþróttahús
08:00 - 18:00 Fótbolti Skallagrímsvöllur
10:00 - 12:30 Fjallahjólreiðar Hvanneyri
10:00 - 15:00 Hestaíþróttir (forkeppni) Hestamannasvæði Hmf. Skugga
13:30 - 18:00 Frjálsar Skallagrímsvöllur
20:00 - 21:00 Mótssetning Skallagrímsvöllur

Laugardagur 30. júlí
08:00 - 20:00 Karfa Íþróttahús
08:00 - 18:00 Fótbolti Skallagrímsvöllur
09:00 - 13:00 Sund Sundlaug
09:00 - 18:00 Ólympískar lyftingar Hjálmaklettur (viktun kl. 9 keppni kl.11)
10:00 - 14:00 Hestaíþróttir (úrslit) Hestamannasvæði Hmf. Skugga
10:00 - 15:00 Skotfimi Skotæfingasvæði SkotVest í Brákarey
10:30 - 12:00 Stafsetning Brákarhlíð
11:00 -16:30 Motocross Motocrosssvæðið á Akranesi
12:30 -19:00 Frjálsar Skallagrímsvelli
13:00 - 14:30 Upplestur Brákarhlíð
16:00- 18:30 Skák Brákarhlíð

Sunnudagur 31. júlí
8:00 - 16:30 Karfa Íþróttahús
8:00 - 18:00 Fótbolti Skallagrímsvöllur
9:00 - 13:00 Sund Sundlaugin
12:30 - 18:00 Frjálsar Skallagrímsvöllur
13:00 - 16:00 Glíma Skallagrímsgarði

Mbk
Ungmennfélag Ísland.

Upplýsingar frá HSS varðandi skráningu og fleira er væntanlegt von bráðar.