11.05.2015 10:14
Vormót HSK - 1. mót mótaraðar FRÍ
Vormót HSK í frjálsum íþróttum verður haldið á Selfossvelli laugardaginn 16. maí. Mótið hefst kl 13:00 og stendur til kl 15:00. Upphitun hefst kl 12:00.
Keppt verður í karla- og kvennaflokkum og öllum er heimil þátttaka.
Keppnisgreinar verða sem hér segir:
Konur: 100 m - 400 m - 100m gr. - hástökk- langstökk- sleggjukast- kúluvarp.
Karlar: 100 m- 400 m- 110m gr.- hástökk- langstökk - spjótkast - sleggjukast.
Samhliða mótinu fer fram Meistaramót íslands í 5km hlaupi kvenna og 10km hlaupi karla.
Mótshaldari áskilur sér fullan rétt til breytinga á tímaseðli á mótsstað ef aðstæður og keppendafjöldi gefur
tilefni til. Nafnakall fer fram á keppnisstað 10 mín fyrir keppni viðkomandi greinar.
Skráningarfrestur er til kl. 24:00 fimmtudaginn 14. maí nk. Skráningar berist beint inn á mótaforrit FRÍ. Fara þarf inn á heimasíðu FRÍ, http://www.fri.is/ , undir liðinn mótaforrit. Þátttökugjald er 1500kr á grein og greiðist áður en mót hefst. Einnig er hægt að greiða þátttökugjaldið fyrirfram í heimabanka inn á reikning frjálsíþróttaráðs HSK: 0325-26-003003 kt. 681298-2589, sendið staðfestingu á netfangið 21tomaskarl21@gmail.com.
Sigurvegari hverrar greinar fær verðlaun. Auk þess veitir FRÍ verðlaun fyrir 10 greinar.
Nánari upplýsingar veitir Guðmunda Ólafsdóttir formaður frjálsíþróttaráðs HSK GSM 846-9775 eða á gudmunda89@gmail.com
Skrifað af Esther
05.05.2015 11:03
Hjólað í vinnuna
Íþrótta- og Ólympíusamband Íslands stendur fyrir heilsu- og hvatningarverkefninu Hjólað í vinnuna dagana 6. - 26. maí næstkomandi í þrettánda sinn. Meginmarkmið Hjólað í vinnuna er að vekja athygli á virkum ferðamáta sem heilsusamlegum, hagkvæmum og umhverfisvænum samgöngumáta.
Allar nánari upplýsingar og skráningarform má finna á www.hjoladivinnuna.is
Aðalstyrktaraðili Hjólað í vinnuna er Valitor, aðrir samstarfsaðilar eru Embætti landlæknis, Rás 2, Advania, Örninn, Umhverfis- og skipulagssvið Reykjavíkurborgar, Fjölskyldu- og húsdýragarðurinn, Landssamtök hjólreiðamanna, Hjólreiðanefnd ÍSÍ, Hjólafærni, Kaffitár og Ölgerðin.
HSS hvetur sem flesta einstaklinga og vinnustaði til að taka þátt í þessari skemmtilegu keppni.
Skrifað af Esther
01.05.2015 04:35
Ályktun ársþings
Eftirfarandi ályktun var samþykkt á nýliðnu ársþingi HSS:
68. ársþing HSS haldið á Hólmavík 30. Apríl 2015 skorar á sveitarstjórn Strandabyggðar að starf íþróttakennara verði endurskipulagt og steypt verði saman í eitt 100% starf íþróttakennara grunnskólans, þjálfara fyrir Umf. Geislann auk framkvæmdarstjóra HSS. Mikilvægt er að þetta nýja starf verði auglýst nú á vormánuðum með það að markmiði að nýr íþróttakennari Strandabyggðar taki til starfa í ágúst 2015.
Tillagan verður send til tómstunda-, íþrótta- og menningarnefndar Strandabyggðar sem fundar þann 4.maí næstkomandi og ætti að því búnu að vera tekin fyrir á næsta sveitarstjórnarfundi.Skrifað af Esther
01.05.2015 04:14
Ársþing HSS
Ársþing HSS fór fram í Félagsheimilinu á Hólmavík þann 30. apríl 2015. Gestgjafi í ár var Skíðafélag Strandamanna og voru kræsingarnar sannarlega með besta móti.
28 þingfulltrúar mættu á þingið sem var undir öruggri fundarstjórn Þorgeirs Pálssonar. Gunnar Bragason, gjaldkeri ÍSÍ, sótti þingið heim og sömuleiðis Hrönn Jónsdóttir sem situr í stjórn UMFÍ.
Hrönn Jónsdóttir veitti Þorsteini Newton starfsmerki UMFÍ fyrir óeigingjarnt og ötult starf, meðal annars sem gjaldkeri HSS síðastliðin sjö ár. HSS óskar honum til hamingju með verðskuldaðan heiður,
Viktor Gautason var valinn efnilegast íþróttamaður HSS árið 2014 og Jamison Ólafur Johnson var sæmdur nafnbótinni íþróttamaður HSS árið 2014. Ingibjörg Benediktsdóttir hlaut hins vegar Hvatningabikar UMFÍ fyrir öflugt starf í þágu almenningsíþrótta. Hvert og eitt þeirra á heiðurinn sannarlega skilinn.
Nokkrar breytingar urðu á stjórn HSS en stjórn komandi árs skipa Vignir Örn Pálsson formaður, Hrafnhildur Þorsteinsdóttir varaformaður, Dagbjört Hildur Torfadóttir gjaldkeri, Guðbjörg Hauksdóttir ritari og Ragnar Bragason meðstjórnandi. Við óskum nýrri stjórn til hamingju með kjörið og þökkum Rósmundi Númasyni og Þorsteini Newton sem víkja úr stjórn kærlega fyrir gott samstarf.
Myndir frá ársþinginu eru væntanlegar innan tíðar.
Skrifað af Esther
30.04.2015 16:56
Ársskýrsla HSS 2014
Ársskýrsla HSS er nú aðgengileg undir flipanum "skrár" hér að ofan og í möppu sem nefnist 68. ársþing.
Í ársskýrlsunni er einnig að finna ársskýrslu Neistans og Geislans en í annarri skrá er að finna ársskýrslu Skíðafélags Strandamanna og Golfklúbbs Hólmavíkur. Aðrar ársskýrslur hafa ekki borist fyrir ársþingið.
Stefnan er að minnka prentun eins og frekast er unnt og því eru aðildarfélagar hvattir til að kynna sér málin á tölvutæku formi og jafnvel mæta með tölvu eða spjaldtölvu á ársþingið sjálft.
Skrifað af Esther
30.04.2015 16:50
Endurbætt afrekaskrá
Ný og endurbætt afrekaská Strandameta í frjálsum íþróttum er nú aðgengileg hér á vefnum en hana er að finna undir flipanum "skrár".
Guðbjörg Hauksdóttur hefur unnið ötult starf við að safna saman afrekum og úrslitum Strandamanna í gegn um tíðina og gert þau aðgengileg.
Nú eiga öll úrslit sem fundist hafa á pappír að vera komin í skrána, að undanskildum úrslitum í köstum en takmarkaðar upplýsingar um þyngd áhalda flækja það mál.
Úrslit af vef FRÍ frá árunum 2013 og 2014 eru einnig komin inn í afrekaskránna.
Enn er töluverð vinna eftir en við fögnum því góða verki sem nú þegar hefur verið unnið.
Skrifað af Esther
30.04.2015 16:36
Bridsmót HSS
Árlegt bridsmót HSS fer fram í Kaffihúsinu í Norðurfirði á föstudaginn 1. maí kl. 13:00
Veðrið er orðið vel skaplegt, spáin fín og færðin með besta móti svo ekkert er því til fyrirstöðu að nýta frídaginn í rúnt norður og skemmtilega ferð.
Engin skráning nauðsynleg og þátttökugjald ekkert.
Öll velkomin.
Skrifað af Esther
23.04.2015 22:08
Fundargerð 67. ársþings HSS
Fundargerð 67. ársþings Héraðssambands Strandamanna sem haldið var í Félagsheimilinu á Hólmavík þann 30. apríl 2014 er nú aðgengileg á vefnum.
Fundargerðin er aðgengileg undir flipanum "Skrár" hér að ofan.
Skrifað af Esther
23.04.2015 19:06
Ársþing HSS
68. Ársþing HSS verður haldið í Félagsheimilinu á Hólmavík fimmtudaginn 30. april kl. 19:30. Þingfulltrúar vinsamlega mætið stundvíslega.
Dagskrá þingsins er svohljóðandi:
1. Þingsetning.
2. Tilnefning fundarstjóra, varafundarstjóra, og tveggja fundarritara.
3. Skipun kjörbréfanefndar.
4. Skýrsla stjórnar.
5. Lagðir fram endurskoðaðir reikningar.
6. Skýrsla framkvæmdastjóra.
7. Kosning nefna þingsins.
a) Uppstillingarnefnd.
b) Fjárhagsnefnd.
c) Íþróttanefnd
d) Alsherjar og laganefnd.
8. Framkomnar tillögur lagðar fram og vísað til nefnda.
9. Nefndarstörf.
10. Nefndarálit, umræður og atkvæðagreiðslur.
11. Kosningar.
a) Stjórn og varastjórn sbr. 17. grein.
b) Tveir endurskoðendu og tveir til vara.
c) Ráð og nefndir skv. gildandi samþykktum og reglugerðum.
12. Önnur mál.
13. Þingslit.
Fulltrúafjöldi félaga:
Hvöt 5
Geisli 18
Golfkl. 4
Skíðafélag Str. 7
Neisti 7
Sundf. Gettir 5
Leifur Heppni 5
Mikilvægt er að þingfulltrúar hafi með sér kjörbréf.
Skrifað af Esther
10.04.2015 08:32
Umsóknir í sérsjóð.
Umsóknarfrestur í sérsjóð HSS rennur út 15. April n.k. Meðfylgjandi er reglugerð sérsjóðsins.
1. Í sérverkefnasjóð fer 10% af innkomu fé frá Lottói.
Sjóðurinn er lagður á sérreikning og vextir leggjast við höfuðstól.
2. Félög geta sótt um til HSS fyrir 15. apríl ár hvert.
Með umsókn fylgi greinargerð með fjárhagsáætlun ásamt tímaramma. Stjórnin
tilkynni félögum fyrir 7. maí um afgreiðslu málsins. Fulltrúi stjórnar taki verkið út áður
en greitt er úr sérsjóðnum eða lagt er fram fullnægjandi gögn.
3. Ef féð verður ekki notað til verkefna sem sótt er um verður félagið að endurgreiða féð
innan fjögurra mánaða frá áætluðum framkvæmdartíma.
Ef félag hafi ekki hafið framkvæmdir fyrir 15. apríl næsta ár, þarf félag að endurnýja
umsóknina.
4. Forgangsverkefni væri að bæta íþróttaaðstöðu á svæðinu. Og veita til annarra
verkefna svo sem þjálfunar, óvæntra áfalla, ferðakostnaðar á mót sem HSS fer ekki á,
nýjungar í starfi og fleira.
Umsóknir berist til framkvæmdarstýru á póstfangið tomstundafulltrui@strandabyggd.is
04.04.2015 21:10
Körfuboltamót.
Körfuboltamót fór fram í dag í Íþróttahúsinu á Hólmavík í dag. 12 - 15 krakkar og eldri spilarar tóku þátt í körfuboltanum sem endaði með vítakeppni. Þar sem Trausti Björnsson og Styrmir Þrastarson voru sprækastir. Ragnar K. Bragason stjórnaði körfuboltanum og færir HSS honum bestu þakkir fyrir framtakið.
Skrifað af Vignir
04.04.2015 20:42
Úrslit í borðtennismóti.
Borðtennismót HSS fór fram á Hólmavík í dag. 16 keppendur kepptu í spennandi keppni . Úrslit urðu eftirfarandi:
| NR. | Nafn | 1 | 2 | 3 | 4 | 5 | 6 | 7 | 8 | Vinningar | Röð |
| 1 | Ragnar K. Bragason | x | 1 | 1 | 1 | 0 | 1 | 0 | 0 | 4 | 4 |
| 2 | Stefán Snær Ragnarsson | 0 | x | 0 | 0 | 0 | 0 | 0 | 0 | 0 | 8 |
| 3 | Trausti Björnsson | 0 | 1 | x | 0 | 0 | 0 | 0 | 0 | 1 | 7 |
| 4 | Ingi Vífill Ingimarsson | 0 | 1 | 1 | x | 0 | 0 | 1 | 0 | 3 | 6 |
| 5 | Gísli Pálmason | 1 | 1 | 1 | 1 | x | 1 | 1 | 1 | 7 | 1 |
| 6 | Gunnar Þorgilsson | 0 | 1 | 1 | 1 | 0 | x | 0 | 0 | 3 | 5 |
| 7 | Vignir Pálsson | 1 | 1 | 1 | 0 | 0 | 1 | x | 1 | 5 | 2 |
| 8 | Flosi Flosason | 1 | 1 | 1 | 1 | 0 | 1 | 0 | x | 5 | 3 |
| NR. | Nafn | 1 | 2 | 3 | 4 | 5 | 6 | 7 | 8 | Vinningar | Röð |
| 1 | Jón Bjarni Bragason | x | 0 | 0 | 1 | 0 | 1 | 0 | 1 | 3 | 5 |
| 2 | Jón Jónsson | 1 | x | 1 | 1 | 0 | 1 | 1 | 1 | 6 | 2 |
| 3 | Þorgils Gunnarsson | 1 | 0 | x | 1 | 0 | 1 | 0 | 1 | 4 | 4 |
| 4 | Daníel Elí Ingason | 0 | 0 | 0 | x | 0 | 1 | 0 | 0 | 1 | 7 |
| 5 | Elíse Plessis | 1 | 1 | 1 | 1 | x | 1 | 1 | 1 | 7 | 1 |
| 6 | Friðrik Heiðar Vignisson | 0 | 0 | 0 | 0 | 0 | x | 0 | 0 | 0 | 8 |
| 7 | Smári Jóhannsson | 1 | 0 | 1 | 1 | 0 | 1 | x | 1 | 5 | 3 |
| 8 | Flosi Helgason | 0 | 0 | 0 | 1 | 0 | 1 | 0 | x | 2 | 6 |
| Undanúrslit: | |||||||||||
| Gísli vann Jón Jónsson og
Elise Plessis vann Vigni. |
|||||||||||
| Jón Jónsson vann Vigni i
leik um 3. sætið, Elise Plessis vann
Gísla í úrslitaleik. HSS Þakkar öllum kærlega fyrir Þátttökuna. |
|||||||||||
Skrifað af Vignir
01.04.2015 20:38
Körfuboltamót á laugardag.
Körfuboltamót verður kl. 15:00 í Íþróttahúsinu á Hólmavík laugardaginn 4. apríl. Keppt er í 3ja. manna liðum, spilað þvert á salinn. Skráning á staðnum, bara borga í salinn. Keppendur geta mætt með tilbúið lið eða þeim verður raðað í lið á staðnum. Mætum hress og kát, Ragnar Bragason verður mótstjóri.
Skrifað af Vignir
31.03.2015 15:56
Borðtennismót
B-mótaröðin heldur áfram og nú er komið að borðtennis.
Borðtennismót HSS fer fram í Íþróttamistöðinni á Hólmavík laugardaginn 4. apríl kl. 14:00
Þátttaka er ókeypis en hver og einn þarf að borga sig inn í salinn. Aldurstakamark er ekkert og engar forskráningar nauðsynlegar.
Sjáumst skoppandi hress á Hólmavík á laugardaginn.
Skrifað af Esther
Flettingar í dag: 40
Gestir í dag: 6
Flettingar í gær: 335
Gestir í gær: 29
Samtals flettingar: 181915
Samtals gestir: 21670
Tölur uppfærðar: 3.4.2025 05:07:25
