Aðalfundur Héraðssambands Strandamanna árið 2015 verður haldinn þann 30. apríl.

Héraðsmót á gönguskíðum fór fram 7. mars inní Selárdal í sól og blíðu.  Keppt var í skipigöngu, þ.e. fyrst genginn 1 hr. með hefðbundinni aðferð síðan einn hringur með frjálsri aðferð.  8 ára og yngri gengu einn hring 1 km.   Stjórn HSS þakkar Skíðafélagi Strandamanna fyrir framkvæmd mótsins.  Kristján Tryggvason lagði brautina, Aðalbjörg Óskarsdóttir og Kristján Tryggvason sáu um tímatöku.

Krakkar 8 ára og yngri.   1 km.
Árný Helga Birkisdóttir
Elísa Vilbergsdóttir
Eva Lara Guðjónsdóttir Krysiak
Stefán Þór Birkisson
Kristinn Jón Karlsson
Elías Guðjónsson Krysiak
Guðmundur B. Þórólfsson
				1. hringur	2. hringur
Stelpur 10 ára,  2x2,5km.
Sigurbjörg Halldóra Halldórsdóttir				22,18	45,20
Strákar 11 - 9 ára,  2x2,5km.
Hilmar Tryggvi Kristjánsson				11,19	21,42
Friðrik Heiðar Vignisson				11,33	23,02
Jón Haukur Vignisson				12,48	Hætti.
Konur 5km
Sigríður Drífa Þórólfsdóttir				23,15
Karlar 35 - 49 ára   2x5km
Birkir Þór Stefánsson				17,49	32,47
Vignir Örn Pálsson				18,02	36,26
Guðjón Sigurgeirsson				24,38
Karlar 60 ára og eldri    2x5km
Rósmundur Númason				18,23	38,01

Héraðsmót á gönguskíðum verður í Selárdal á morgun 7. mars kl. 13:00.

Gautaborgarleikar 2015

 

Gautaborgarleikarnir verða að þessu sinni dagana 3. - 5. júlí. Mótið er opið öllum 12 ára og eldri og keppt er í fjölmörgum greinum. Almennt eru ekki lágmörk (krafa um lágmarksárangur), nema í kringlukasti, spjótkasti og sleggjukasti.

 

SamVest stefnir að þátttöku í ár - í fyrsta skipti. Við myndum fara saman sem hópur undir merkjum SamVest. Áætlað er að fara með Úrval Útsýn sem býður ferðina fyrir 129.500 kr. á manninn. Innifalið í því er flug, gisting, lestarmiði og aðgöngumiði í tívolíið. Flogið er út þann 2. júlí og heim aftur 9. júlí með beinu flugi til Gautaborgar.

 

Gert er ráð fyrir að kostnaður vegna farar þjálfara og fararstjóra verði greiddur af keppendum og leggst það þá ofaná þetta verð. Að öllum líkindum færu 1-2 þjálfarar og svo 1 fararstjóri á hverja 10 keppendur. Má því gróflega áætla að ofaná hvern keppanda bætist ca. 25.000 kr.  Þetta þýðir að hvert samband þarf ekki að skaffa þjálfara og fararstjóra, heldur sameinumst við um þá. Skráningargjald á mótið sjálft er ca. 1500 kr. á mann. Auk þess þarf að leggja út fyrir fæði og öðru tilfallandi.

Sam Vest stefnir að því að sjá um samskipti við ferðaskrifstofuna, upplýsingar til félaga og skráningu á mótið sjálft. Hinsvegar er það sett í hendur félaganna/héraðssambandanna að kynna þetta heima fyrir, hver á sínu svæði og fá staðfestingu á þátttöku, auk þess að sjá um fjáröflun fyrir ferðinni, eftir atvikum.

 

Þar sem við hjá SamVest erum að skipuleggja svona ferð í fyrsta sinn, þá biðjum við ykkur um smá þolinmæði - og endilega að hjálpa okkur með því að spyrja spurninga, eitthvað sem þið rekist á og þarf að fá upplýsingar um. Líka er gagnlegt ef þið hafið tök á að forvitnast hjá öðrum félögum sem hafa farið. Saman munum við læra á þetta - og komast að því hvað til þarf J

 

Lokafrestur til að skrá sig í ferðina er fimmtudaginn 5. febrúar og þarf þá að senda nafn og kennitölu á netfangið hronn@vesturland.is en auk þess má gjarnan skrá þátttakendur á sameiginlegt skjal sem hæg er að komast inná hér:

https://docs.google.com/spreadsheets/d/1v9DNzHX4wIln7FXhuxgqvCVihlzdKXrllkPtPRQCt9c/edit?usp=sharing

 

Staðfestingargjald á hvern keppanda er 40.000 kr. og þarf að greiða í framhaldi af skráningu, væntanlega í næstu viku. Eftir það er ekki hægt að hætta við, en það væri hægt að skipta á nöfnum.

 

Hér fyrir neðan er tengill inn á frekari upplýsingar um mótið sjálft, dagskrá, lágmörk í kastgreinum og fleira: http://www.vuspel.se/pdf/VUinvj15eng.pdf

 

Kv. Hrönn Jónsdóttir

hronn@vesturland.is

s. 8481426

 

 

Samæfing SamVest í frjálsum íþróttum
  30. janúar 2015 í Hafnarfirði
Kynning til iðkenda og foreldra

Héraðssamböndin UDN, USK, HSH, UMSB, UMFK, HSS og HHF (SamVest samstarfið) boða til samæfingar í frjálsum íþróttum fyrir iðkendur sína.

Æfingin fer fram í frjálsíþróttahöllinni Kaplakrika, Hafnarfirði, föstud. 30. jan. 2015 kl. 16.30.

Eftirfarandi er ákveðið með æfinguna:

·         Æfingin er fyrir 10 ára (árg. 2005) og eldri.

o   Þátttakendum verður aldursskipt í nokkra hópa á æfingunni.

·         Umsjón með æfingunni hefur einn af þjálfurum á starfssvæði SamVest og gestaþjálfarar eru allir fastir þjálfarar hjá FH, þau:  

o   Eggert Bogason, Einar Þór Einarsson og Ragnheiður Ólafsdóttir

·         Nánari upplýsingar síðar um áherslur á greinar. Ef einhverjir eru með sérstakar óskir þá endilega komið þeim á framfæri við okkur á FB-síðu SamVest eða í netfangið hér fyrir neðan.

·         Eftir æfingu borðum við saman í nágrenninu. Við höfum ekki ákveðið hvar - síðast fórum við á Kentucky!

·         Æfingin er þátttakendum að kostnaðarlausu. Létt hressing/nesti meðan á æfingu stendur er í boði SamVest, en matur eftir æfingu greiðist af hverjum þátttakanda fyrir sig.  

 

Við þurfum að vita hverjir koma á æfinguna og hverjir vilja vera með í mat. Endilega skráið sjálf mætingu og aðrar upplýsingar inná þessari síðu - smellið hér - fyrir kl. 22.00 miðvikudaginn 28. janúar nk.

Frekari upplýsingar á Facebook síðu SamVest-samstarfsins, sem allir SamVest-liðar geta fengið aðgang að.  Ábendingar og spurningar má senda til bjorg@alta.is

 

Kæru iðkendur og foreldrar!

Endilega fjölmennum og gerum þetta að góðri SamVest-æfingu!

 

Með frjálsíþróttakveðju,

Framkvæmdaráð SamVest samstarfsins

Nú ræður vetur konungur ríkjum og skíðastarfið er komið á fullt.

Skíðaæfingar hjá Skíðafélagi Strandamanna í vetur verða sem hér segir:

Miðvikudagar kl. 17.30-18.30

Föstudagar kl. 17-18:30

Laugardagar kl. 17-18 Línuskautar í íþróttahúsinu Hólmavík

Sunnudagar kl. 13-14.30

Skíðaæfingarnar fara fram á skíðasvæðinu í Selárdal nema annað sé tekið fram.  Sent er sms um hvort af æfingu verður í síðasta lagi um hádegi daginn sem æfingin er, einnig er sent sms ef lagðar eru skíðabrautir aðra daga.  Þeir sem óska eftir að fá sms um æfingar og brautir hafi samband við Ragnar í síma 8933592.

Skíðagönguæfingar Skíðafélags Strandamanna eru gjaldfrjálsar og öllum opnar.  Nýir iðkendur eru sérstaklega velkomnir.

Mótaskrá Skíðafélags Strandamanna fyrir veturinn 2015 ásamt mótum sem Strandamenn eru líklegir til þátttöku í:

24. janúar: Skíðafélagsmót H
31. janúar: Skíðafélagsmót F
7. febrúar: Héraðsmót skiptiganga H/F
14. febrúar: Bláfjallagangan Reykjavík
21. febrúar: Sprettganga H
28. febrúar: Strandagangan
14. mars: Skíðaskotfimi F
20.-22. mars: Skíðamót Íslands Dalvík/Ólafsfirði
28.-30. mars: UMÍ Reykjavík
3. apríl: Arionbankamót H
6. apríl: Sparisjóðsmót F
11. apríl: Orkugangan Húsavík
18. apríl: Boðganga
23.-25. apríl Andrésar-andarleikarnir Akureyri
2. maí Fossavatnsgangan Ísafirði

KÖRFUBOLTAMÓT HSS.

2014

 

 

         Körfuboltamót HSS verður haldið í Íþróttahúsinu á Hólmavík  n.k. þriðjudag 30. Des og hefst mótið kl. 18:00.   Keppendur mæti stundvíslega.  Keppendur skrá sig á staðnum.   Allir aldurshópar eru hvattir til að mæta.  3ja stigaskotkeppni verður og stingerkeppni.  Nánari upplýsinga veitir  Ragnar Bragason í síma 8983592.

         Við hvetjum sem flesta til að mæta og vera með, og endilega takið  góða skapið með.

 

                                                                  Stjórnin, og körfuboltaráð.

 

5.Landsmót UMFÍ 50+ verður haldið á Blönduósi dagana 26.-28. júní 2015

Blönduós er góður staður til að halda slíkt mót, góð íþróttamannvirki eru til staðar og almenn þjónusta með ágætum.  Íþróttakeppnin fer öll fram á Blönduósi og í þéttbýlisstöðum þar í kring.

 

Undirbúningur er hafinn fyrir nokkru síðan og það er mikill metnaður í heimamönnum að gera mótið sem allra best úr garði og lögð verður áhersla að taka vel á móti öllum mótsgestum.  Þetta mót verður svipað og þau fyrri en þó verður lögð meiri áhersla á afþreyingu og skemmtun. 

 

Fyrirhugaðar keppnisgreinar:

Boccia, Bridds, Dráttarvélaakstur, Frjálsíþróttir, Golf, Hestaíþróttir, Judó, Lomber, Pútt einstaklingskeppni, Pútt liðakeppni, Ringó, Skák, Skotfimi, Starfshlaup, Stígvélakast, Sund, Þríþraut einstaklingskeppni.          

 

Frekari upplýsingar

Frekari upplýsingar um dagskrá koma smátt en hafa má samband við þjónustumiðstöð UMFÍ ef eitthvað er óljóst og þarfnast svara.

Laugardaginn 29. desember fór fram vel heppnað fótboltamót HSS í Íþróttamiðstöðinni á Hólmavík.

Hugmyndin að æfingabúðunum var að þjappa hópnum betur saman en hingað til hafa æfingarnar farið fram á höfuðborgarsvæðinu, Akranesi og Borgarnesi. SAM-Vest hefur fengið góða gestaþjálfara á æfingar en Hlynur C. Guðmundsson hefur verið mikill stuðningur hvað þjálfun og leiðbeiningar varðar.

Mæting var klukkan 17:00 á föstudeginum 21. nóv og var byrjað á að koma sér fyrir og fara í æfingagallana en fyrsta æfingin var stýrð af Kristínu Höllu Haraldsdóttur yfirþjálfara en Kristín og Hlynur C. Guðmundsson þjálfari í Mosfellsbæ sáu um æfingarnar.

Farið var í sund báða dagana, fjörug kvöldvaka var haldin á föstudagskvöldinu og krakkarnir voru duglega að nýta sér frjálsan tíma til að kynnast betur.

Dagskrá og skipulagning voru til fyrirmyndar og gekk vonum framar, sérstaklega í ljósi þess að þátttaka fór fram úr björtustu vonum. Alls mættu 63 krakkar í æfingabúðirnar og börnin fóru heim með bros á vör og spurðu ítrekað hvenær næstu æfingabúðir yrðu haldnar.

Frá Ströndum fóru 9 börn í æfingabúðirnar sem er talsverð aukning en í vetur hafa verið milli 20 og 30 börn að æfa frjálsar frá 5 ára aldri til 15 ára. Stærsti hópurinn er 8 ára og yngri. Auk þess hafa 4 börn frá Reykhólum og 2 frá Drangsnesi komið á æfingar enda hefur veðurfar verið mjög gott það sem af er hausti.

Takk fyrir skemmtilega og gagnlega helgi sem og stuðningi allra sem að æfingarbúnunum komu.

Nítjándu Silfurleikar ÍR fóru fram laugardaginn 15. nóvember s.l. í laugardalshöllinni, en Silfurleikar ÍR eru til heiðurs Vilhjálmi Einarssyni sem fékk silfur í þrístökki á ólímpíuleikunum 1956. Rúmlega 600 keppendur hófu keppni og átti frjálsíþróttahópur HSS 5 keppendur.

Sóldís Eva Baldursdóttir, Árný Helga Birkisdóttir og Stefán Þór Birkisson tóku þátt í fjölþraut 8 ára og yngri, sem er þrautabraut með 7 þrautum og  stóðu þau sig einstaklega vel og fengu öll fyrir það silfurpening.

Viktor Elmar Gautason tók þátt í hástökki, 60 m hlaupi og 600 m hlaupi, gekk honum vonum framar en hann náði 2. sæti í 600 m hlaupi. Jamison Ólafur Johnson tók þátt í kúluvarpi, þrístökki og 800 m hlaupi og náði hann einnig 2. sæti í 800 m hlaupi.

Glæsilegur hópur.

Afmælisfundur HSS fór fram í Félagsheimilinu á Hólmavík miðvikudaginn 19. nóvember.

Fótboltamót HSS

og Hólmadrangs

Innanhúsmót í fótbolta verður haldið í Íþróttamiðstöðinni á Hólmavík sunnudaginn 23. nóvember. Mótið hefst kl. 11:00.

Keppt verður í flokkum: 11 ára og yngri (6. bekkur og yngri), 12-14 ára (7.-9. bekkur), 15-18 ára (10.bekkur-18 ára).

Þátttökugjald er kr. 2.200 á hvern leikmann. Innifalið eru pizzur frá Cafe Riis og þátttökuverðlaun fyrir keppendur.

Félagsmiðstöðin Ozon mun selja veitingar á staðnum.

Þátttakendur skrái sig hjá sínum þjálfurum, sem senda skráningar á netfangið tomstundafulltrui@strandabyggd.is. Einstaklingar geta einnig skráð sig með sama hætti. Þeim verður raðað í lið á staðnum.

Skráningu lýkur miðvikudaginn 19. nóvember.

 

Krakkar frá félagssvæði USVH (Hvammstanga) og UDN
(Dalir og Reykhólasveit) eru boðnir sérstaklega velkomnir ásamt krökkum á félagssvæði HSS.