HSS styrkir þátttakendur í æfingabúðum Samvest

HSS hefur tekið ákvörðun um að styrkja þá einstaklinga sem ætla sér að taka þátt í æfingabúðum Samvest sem fara fram á Laugum í Sælingsdal í Dalabyggð 21.-22. nóvember. 

HSS 70 ára

Héraðssamband Strandamanna fagnar 70 ára afmæli sínu 19. Nóvember næstkomandi.

Að því tilefni er aðildarfélögum, iðkendum, sjálfboðaliðum og stuðningsaðilum ásamt sveitarstjórnarfulltrúum og fulltrúum ÍSÍ og UMFÍ og öðrum áhugasömum boðið að gera sér glaðan dag saman.

Tímamót sem þessi eru kjörið tækifæri til að líta yfir farinn veg, læra af því sem liðið er og setja stefnuna fyrir komandi kynslóðir.

Fundurinn verður léttur og skemmtilegur og lögð verður áhersla samheldni og skapandi hugmyndavinnu og markmiðssetningu Héraðssambandsins. Tilgangurinn er að þétta raðir áhugafólks um íþróttastarf á Ströndum, skapa samstarfsvettvang og deila hugmyndum að því hvernig gera megi gott starf enn betra.

Fundurinn hefst kl. 19:00 í Félagsheimilinu á Hólmavík og HSS býður þátttakendum fundarins upp á súpu framreidda af Skíðafélagi Strandamanna í tilefni dagsins.

Þátttakendur eru hvattir til að skrá sig á netfangið tomstundafulltrui@strandabyggd.is ekki síðar en á þriðjudag en skráning er þó ekki nauðsynleg.

Fundurinn er öllum að kostnaðarlausu.

Öll velkomin.

Með félagshveðju,

Stjórn HSS

Æfingatafla Geislinn og Hvöt - haust 2014

JR - Jóhanna Rósmundsdóttir                                           IB - Ingibjörg Benediktsdóttir                                           SDÞ - Sigríður Drífa Þórólfsdóttir                                       
IE - Ingibjörg Emilsdóttir                                                   VF - Vala Friðriksdóttir

Hver er þín uppáhalds hreyfing? Hver er þín hreyfing? Það er talið að um 600.000 þúsund dauðsfalla í Evrópu megi rekja beint til hreyfingarleysis. Flestir sem hreyfa sig ekki neitt segja ástæðuna vera peningaskort. Það er margt er hægt að gera til að bæta heilsu sína sem hvorki kostar krónu né mikla fyrirhöfn. Mestu máli skiptir að hafa gaman af því sem maður tekur sér fyrir hendur því það eykur líkurnar á því að maður viðhaldi heilbrigðum lífstíl.

Hreyfivikan MOVE WEEK er hluti af  "The NowWeMove 2012 - 2020" herferð International Sport and Culture Association (ISCA) sem hefur það að markmiði að kynna kosti þess að taka virkan þátt í hreyfingu og íþróttum til heilsubótar. Ungmennafélag Íslands (UMFÍ) er aðili að ISCA og tekur þátt í verkefnum samtakanna.

Framtíðarsýn MOVE WEEK herferðarinnar er "að 100 milljónir fleiri Evrópubúa verði orðnir virkir í hreyfingu og eða íþróttum fyrir árið 2020" og áhersla lögð á að "að fólk finni SÍNA hreyfingu sem hentar því". Hreyfivikan er almenningsíþrótta verkefni  í samstarfi yfir 250 samtaka í Evrópu sem öll eru aðilar að ISCA. Það sem er öðruvísi við Hreyfivikuna MOVE WEEK er að þessi herferðir er ekki sniðin að ákveðinni íþrótt eða ákveðinni hreyfingu heldur getur hvert samfélag sniðið sína Hreyfiviku eftir sínu svæði. Klæðskerasniðið sína Hreyfiviku og nýtt til þess alla þá kosti sem samfélagið býr yfir til að smita frá sér jákvæða nálgun á hreyfingu.

Heilsa er líkamleg, andleg og félagsleg og maður er manns gaman. Sambandsaðilar UMFÍ, þar á meðal HSS, taka virkan þátt í Hreyfivikunni MOVE WEEK í haust og bjóða upp á fjölda viðburða og tækifæra fyrir fólk til að kynna sér fjölbreytta hreyfingu sér til heilsubótar. Fylgist með á http://www.iceland.moveweek.eu/ og www.umfi.is. Skráið ykkar viðburð ef þið viljið vera með viðburð í nafni herferðarinnar í haust, eins getið þið fengið allar frekari upplýsingar hjá Esther Ösp, framkvæmdarstýru HSS.

Þríþraut HSS fór fram á Hólmavík í dag, 6 keppendur kepptu í opnum flokki karla og ein í opnum flokki kvenna.  Keppni hófst við íþróttamiðstöðina og var byrjað á að hlaupa inn plássið að Háaklifi og yfir Borgirnar að íþróttamiðstöðinni síðan hjólaður Óshringurinn og endað á 200m sundi.  

Úrslit urðu eftirfarandi:

            Konur:                        Hlaup                            Hjól                  Sund                Samt.

1.  Bríanna Johnson               32,33 mín                      33,47 mín         4,37 mín           1:10,57

            Karlar:

1.  Ólafur Johnson                 25,20 mín                        27,32 mín         4,16 mín            57,08

2.  Trausti Björnsson              26,23    -                         26,40    -           4,52   -             57,55

3.  Vignir Örn Pálsson            34,18    -                         35,38    -           9,20   -            1:19,16

4.  Friðrik H. Vignisson           42,14    -                         42,01    -           5,52   -            1:30,07

5.  Guðjón Steinarsson          49,01    -                         50,32    -           5,30   -            1:45,03

6.  Stefán S. Ragnarsson       49,01    -                         50,07    -           8,26   -            1:47,34

Tímaverðir og ritarar voru Þuríður Friðriksdóttir,  Viktoría Ólafsdóttir og Ingibjörg Benediktsdóttir.

Þríþraut HSS verður haldinn þann 6.september næstkomandi á Hólmavík, vegalengdir þessarar þrautar eru eftirfarandi og í þessari röð:

1.       Hlaup: 5 km (Borgirnar) byrjað uppí íþróttahúsi

2.       Hjólreiðar: 8 km (Óshringurinn)

3.       Sund: 200 m (Sundlaug Hólmavíkur)

Við hvetjum sem flesta að koma og taka þátt í þessari þolraun og hafa gaman að, en það er auðvitað aðal markmiðið. 

Keppnin er ætluð öllum aldurshópum. Það þarf engan sérstakan útbúnað í þessa þolþraut nema reiðhjól sem kemst um malarveg og sundföt. Keppendur fá svo frítt í sund og heitu pottana eftir keppni. 

Ekkert keppnisgjald. Skráning fer fram á tölvupósti: tomstundafulltrui@strandabyggd.is eða á staðnum.

Keppni mun hefjast stundvíslega klukkan 14:00 laugardaginn 6.september í Íþróttamiðstöð Hólmavíkur. Mælt er með því að keppendur mæti tímanlega!