Fótboltamót HSS og Hólmadrangs

og Hólmadrangs

Innanhúsmót í fótbolta verður haldið í Íþróttamiðstöðinni á Hólmavík sunnudaginn 8. desember. Mótið hefst kl. 11:00.

Keppt verður í flokkum: 11 ára og yngri (6. bekkur og yngri), 12-14 ára (7.-9. bekkur), 15-18 ára (10.bekkur-18 ára).

Þátttökugjald er kr. 2.200 á hvern leikmann. Innifalið eru pizzur frá Cafe Riis og þátttökuverðlaun fyrir keppendur.

Danmerkurfarar munu selja veitingar á staðnum.

Þátttakendur skrái sig hjá sínum þjálfurum, sem senda skráningar á netfangið tomstundafulltrui@strandabyggd.is. Einstaklingar geta einnig skráð sig með sama hætti. Þeim verður raðað í lið á staðnum.

Skráningu lýkur fimmtudaginn 5. desember.

Krakkar frá félagssvæði USVH (Hvammstanga) og UDN
(Dalir og Reykhólasveit) eru boðnir sérstaklega velkomnir ásamt krökkum á félagssvæði HSS.

Styrktaraðilar mótsins eru Hólmadrangur og Strandabyggð

Skrifað af Esther

Tengill á færslu

Bæta við áliti

Sýna álit

18.11.2013 12:49

Silfurleikar ÍR

Metþátttaka var á Silfurleikum ÍR síðastliðna helgi.

Níu keppendur tóku þátt í Silfurleikunum fyrir hönd HSS og stóðu sig með prýði. Þar ber hæst að nefna brons sem Jamison Ólafur Johnson vann sér inn í 800 metra hlaupi 14 ára pilta.

Fjölmiðlar hafa fjallað um greinilegt uppbyggingarstarf í frjálsum íþróttum í minni félögum, svo sem í HSS. Athygli hefur verið vakin á góðri þátttöku og velgengni svo sem í frétt RÚV (http://ruv.is/frett/anita-nadi-hm-lagmarki-a-silfurleikum-ir).

Það er alltaf jafn ánægjulegt þegar tekið er eftir góðu starfi. Til hamingju með árangurinn

Skrifað af Esther

Tengill á færslu

Bæta við áliti

Sýna álit