Borðtennismót

25.03.2015 13:17

Aðalfundur

Aðalfundur Héraðssambands Strandamanna árið 2015 verður haldinn þann 30. apríl.

Fundurinn er að þessu sinni í boði Skíðafélags Strandamanna og mun fara fram í Félagsheimilinu á Hólmavík.

Nánari tímasetningar og fjöldi fulltrúa hvers félags skýrist þegar nær dregur.

Mikilvægt er að aðildarfélög skili starfsskýrslum sem fyrst og eins þarf að skila ársskýrslum félaga fyrir aðalfundinn.

Takið daginn frá og fylgist vel með framhaldinu.

Skrifað af Esther

07.03.2015 21:12

Úrslit í héraðsmóti á gönguskíðum

Héraðsmót á gönguskíðum fór fram 7. mars inní Selárdal í sól og blíðu. Keppt var í skipigöngu, þ.e. fyrst genginn 1 hr. með hefðbundinni aðferð síðan einn hringur með frjálsri aðferð. 8 ára og yngri gengu einn hring 1 km. Stjórn HSS þakkar Skíðafélagi Strandamanna fyrir framkvæmd mótsins. Kristján Tryggvason lagði brautina, Aðalbjörg Óskarsdóttir og Kristján Tryggvason sáu um tímatöku.

Úrslit urðu eftirfarandi:

Krakkar 8 ára og yngri. 1 km.

Árný Helga Birkisdóttir
Elísa Vilbergsdóttir
Eva Lara Guðjónsdóttir Krysiak
Stefán Þór Birkisson
Kristinn Jón Karlsson
Elías Guðjónsson Krysiak
Guðmundur B. Þórólfsson
	1. hringur	2. hringur
Stelpur 10 ára, 2x2,5km.

Sigurbjörg Halldóra Halldórsdóttir	22,18	45,20

Strákar 11 - 9 ára, 2x2,5km.

Hilmar Tryggvi Kristjánsson	11,19	21,42
Friðrik Heiðar Vignisson	11,33	23,02
Jón Haukur Vignisson	12,48	Hætti.

Konur 5km

Sigríður Drífa Þórólfsdóttir	23,15

Karlar 35 - 49 ára 2x5km

Birkir Þór Stefánsson	17,49	32,47
Vignir Örn Pálsson	18,02	36,26
Guðjón Sigurgeirsson	24,38

Karlar 60 ára og eldri 2x5km

Rósmundur Númason	18,23	38,01

Skrifað af Vignir

06.03.2015 19:55

Héraðsmót á gönguskíðum.

Héraðsmót á gönguskíðum verður í Selárdal á morgun 7. mars kl. 13:00.

Keppt er í skiptigöngu þ.e. fyrst gengið með hefðbundinni aðferð og síðan með frjálsri aðferð (skaut).

Allir að mæta hressir og kátir, keppt er í barna og fullorðinsflokkum.

Skrifað af Vignir

03.03.2015 13:24

B-mótaröðin

Senn líður að árlegri B-mótaröð HSS en hún er eins og hér segir

Badmintonmót á Hólmavík 7. mars

Borðtennismót á Hólmavík 4. apríl

Bridsmót í Árneshreppi 1. maí

Á Góu-laugardegi, 7. mars fer fram Badmintonmót í Íþróttamiðstöðinni á Hólmavík. Keppt er í tvíliðaleik, keppnin hefst klukkan 13:00 og skráning fer fram á staðnum. Keppnisgjald er ekkert en greiða þarf fyrir aðgang að salnum og fer gjaldið því eftir afsláttarkjörum hvers og eins.

Borðtennismótið fer fram á laugardegi um páska, milli föstudagsins langa og páskadags. Mótið fer fram í Íþróttamiðstöðinni á Hólmavík. Keppt er í einliðaleik, keppnin hefst klukkan 13:00 og skráning fer fram á staðnum. Keppnisgjald er ekkert en greiða þarf fyrir aðgang að salnum og fer gjaldið því eftir afsláttarkjörum hvers og eins.

Loks verður hið árlega bridsmót haldið í þann 1. maí í Félagsheimilinu Árnesi en tímasetning og fyrirkomulag verður nánar auglýst síðar.

Skrifað af Esther