Framkvæmdastjóri óskast.

20.06.2017 20:29

Landsmót 50+ Hveragerði.

Enn hægt að skrá sig í einstaklingsgreinar í Hveragerði

June 20, 2017

Enn er opið fyrir skráningar í einstaklingsgreinar og valdar liðagreinar á Landsmóti UMFÍ 50+ sem fram fer í Hveragerði um næstu helgi, dagana 23.-25. júní. Almennt er þó búið að loka fyrir skráningu flestra greina fyrir hópa.

Enn er hægt að skrá sig til þátttöku í eftirtöldum greinum:

Frjálsar: Hægt að skrá þátttöku til hádegis á miðvikudag 21. júní.

Bridds og strandblak: Opið fyrir skráningu til miðnættis fimmtudaginn 22. júní.

Sund: Hægt að skrá sig til klukkan 16:00 föstudaginn 23. júní.

Aðrar greinar sem eru opnar:

Skák, badminton, pönnukökubakstur, jurtagreining, fuglagreining, þrekmót, utanvegahlaup, þríþraut og stígvélakast. Opið er fyrir skráningar til miðnættis föstudaginn 23. júní.

Þú greiðir aðeins eitt gjald og getur skráð þig til þátttöku í eins mörgum greinum og þú vilt keppa í.

Ekki missa af góðu móti.

Stjórn HSS hvetur Strandamenn til að fjömenna á mótið, ef fólk lendir í vanræðum með að skrá sig á mótið getur það hringt á skrifstofu UMFÍ s. 5682929 og skráð sig hjá Guðbirnu Þórðardóttur. Ef einver er ekki með rafrænt skilríki er ekkert mál að skrá sig þar.

Skrifað af Vignir.

19.06.2017 23:43

Fundargerð ársþings HSS 2017.

Fundargerð ársþings HSS sem haldið var á Drangsnesi 3. maí s.l. er hægt að skoða á heimasíðu HSS undir liðnum skrár.

Skrifað af Vignir

12.06.2017 09:41

HÓLMADRANGSHLAUP 2017

Hólmadrangshlaupið verður haldið fimmtudaginn 15. júni á Hólmavík. Hlaupið hefst kl. 18 og verður hlaupið frá Íþróttamiðstöðinni á Hólmavík. Hægt er að velja um þrjár vegalengdir: 3 km, 5 km og 10 km. Allir þátttakendur í hlaupinu fá verðlaunapening fyrir þátttökuna frá Hólmadrangi á Hólmavík sem er styrktaraðili hlaupsins. Skráning fer fram á staðnum.

Héraðssamband Strandamanna.

Skrifað af Vignir.