Borðtennismót 20 apríl 2019 fór vel fram 18 keppendur mættu til leiks. Júlíus Jónsson formaður mótanefndar stjórnaði mótinu og í verðlaun fyrir fyrstu 3 sætin voru páskaegg. Júlli tók nokkrar myndir á mótinu.   

Borðtennismót

Borðtennismót verður haldið í Íþróttarmiðstöðinni á Hólmavík

laugardaginn 20. apríl klukkan 14:00

  Spaðar verða á staðnum fyrir þá sem þurfa, skráning á staðnum.

Sjáumst hress og kát

Fyrir hönd HSS Júlíus Jónsson

Umsóknarfrestur í sérsjóð HSS er til 15 apríl.

Til úthlutunar er kr. 1.500.000,-

Aðildarfélög HSS eru hvött til að sækja um í sérsjóð HSS.  Vinsamlegast sendið umsóknir á netfangið: johann.bjorn.arngrimsson@gmail.com  fyrir 15. apríl 2019.

 

Sérverkefnasjóður HSS

 

"66. ársþing HSS haldið á Sævangi þriðjudaginn 30. apríl 2013 samþykkir breytingu á reglugerð fyrir sérverkefnasjóð HSS:

1. Í sérverkefnasjóð fer 10%  af innkomu fé frá Lottói. Sjóðurinn er lagður á sérreikning og vextir leggjast við höfuðstól.

2. Aðildarfélög geta sótt um til HSS fyrir 15. apríl ár hvert. Með umsókn fylgi greinargerð með fjárhagsáætlun ásamt tímaramma. Stjórnin tilkynni félögum fyrir 7. maí um afgreiðslu málsins. Fulltrúi stjórnar taki verkið út áður en greitt er úr sérsjóðnum eða lögð eru fram fullnægjandi gögn.

3. Ef féð verður ekki notað til verkefna sem sótt er um verður félagið að endurgreiða féð innan fjögurra mánaða frá áætluðum framkvæmdartíma.

Ef félag hafi ekki hafið framkvæmdir fyrir 15. apríl næsta ár, þarf félag að endurnýja umsóknina.

 

4. Forgangsverkefni væri að bæta íþróttaaðstöðu á svæðinu. Og veita til annarra verkefna svo sem þjálfunar, óvæntra áfalla, ferðakostnaðar á mót sem HSS fer ekki á, nýjungar í starfi og fleira."