29.08.2012 10:05

Göngudagur fjölskyldunnar á Drangsnesi og Hólmavík á fimmtudag

Á morgun, fimmtudaginn 30. ágúst, fer fram Göngudagur fjölskyldunnar á Drangsnesi og Hólmavík. Dagurinn er skipulagður af Ungmennafélögum og er hugsaður sem tækifæri fyrir alla fjölskylduna til að stunda útivist og hreyfingu í hinni fallegu náttúru Stranda. Allir eru hvattir til að taka þátt í þessum skemmtilega degi!

Drangsnes: 
Kl. 17:00 er mæting á tjaldsvæðið á Drangsnesi. Gengið verður á Bæjarfell. Að sjálfsögðu er síðan tilvalið að smella sér í heitu pottana eftir gönguna! Umf. Neisti og Skíðafélag Strandamanna standa fyrir göngunni á Drangsnesi.

Hólmavík:
Kl. 17:30 er mæting við Íþróttamiðstöðina. Gengið verður að Stóru-Grund, annað hvort um Borgirnar eða í gegnum bæinn. Við göngulok verður boðið upp á pylsur og Svala. Umf. Geisli stendur fyrir göngunni á Hólmavík.

Ekki láta þig vanta á Göngudag fjölskyldunnar!
Skrifað af Arnar Snæberg Jónsson
Tengill á færslu
Bæta við áliti

28.08.2012 09:27

Vetraræfingar hjá Umf. Geisla

Umf. Geislinn hefur gefið út æfingatöflu fyrir komandi vetur. Jafnframt kemur fram í tilkynningu frá félaginu að í tilefni af heilsueflingu í septembermánuði í Strandabyggð verður frítt á fótboltaæfingar hjá Geislanum þann mánuð.

Æfingar verður á mánudögum og fimmtudögum:
Kl. 15:00-16:00 - 8.-10. bekkur
Kl. 16:00-17:00 - 1.-4. bekkur
Kl. 17:00-18:00 - 5.-7. bekkur

Þjálfari verður Jóhannes Alfreðsson. Fram kemur í tilkynningu að æfingar verði úti í ágúst á sparkvellinum við grunnskólann, en í september verði æfingar fluttar inn í íþróttahús. Einnig  er sagt að vonandi verði boðið upp á aðrar íþróttagreinar þegar líður á haustið.

Hægt verður að nálgast æfingadagskrána í vetur með því að kíkja á 
Skrifað af Arnar Snæberg Jónsson
Tengill á færslu
Bæta við áliti

20.08.2012 10:34

Stigakeppni félaganna á Héraðsmóti í frjálsum


Eins og fram hefur komið á vefnum okkar vann Umf. Neisti stigakeppni félaganna á Héraðsmóti HSS sem fram fór á Sævangsvelli 15. júlí sl. Full úrslit hafa ekki verið birt formlega (stigastaða í mótaforriti FRÍ er ekki rétt) en hér er gerð bragarbót á því:

1. Neisti - 123 stig
2. Geisli - 115 stig
3. Hvöt - 97 stig
4. Harpa - 31 stig
5. Leifur Heppni - 16 stig
6. Skíðafélag Strandamanna - 12 stig

Við óskum Umf. Neista innilega til hamingju með sigurinn!
Skrifað af Arnar Snæberg Jónsson
Tengill á færslu
Bæta við áliti

20.08.2012 09:01

Vel heppnað barnamót í frjálsum

Barnamót HSS í frjálsum íþróttum fór fram á Kollsárvelli í Hrútafirði í gær. Það var Umf. Harpa sem hélt utan um mótshaldið ásamt HSS. Mótið fór fram í hinu besta veðri og óhætt er að segja að Hrútfirðingar standi mjög framarlega meðal aðildarfélaga HSS hvað varðar aðstöðu og ástand íþróttavallar. Dyggilega hefur verið staðið að uppbyggingu vallarins sem og félagsins undanfarin misseri, eins og má meðal annars sjá hér.

Þrjátíu krakkar á aldrinum 12 ára og yngri tóku þátt í mótinu og skemmtu sér hið besta. Fjölmargir foreldrar og aðstandendur mættu á svæðið, hvöttu krakkana áfram, mældu stökk- og kastlengdir og tóku hlaupatíma. Kvenfélagið Iðunn seldi gómsætar veitingar sem runnu ljúflega ofan í svanga maga.

Að móti loknu var öllum keppendum afhentur þátttökupeningur við hátíðlega athöfn. Einnig var Umf. Neista afhentur bikar vegna sigurs í stigakeppni félaga á Héraðsmóti HSS sem fram fór fyrr í sumar. Systurnar Sigurbjörg og Guðbjörg Ósk Halldórsdætur veittu bikarnum viðtöku.

HSS kann Umf. Hörpu og Hrútfirðingum sínar bestu þakkir fyrir frábæra frammistöðu við mótshaldið. Þá klöppum við keppendum að sjálfsögðu lof í lófa fyrir góða frammistöðu og drengilga framkomu. Myndir frá mótinu munu koma hér inn á síðuna okkar innan skamms.

Öll úrslit mótsins eru komin inn í mótaforrit FRÍ og þau má nálgast með því að smella hér.
Skrifað af Arnar Snæberg Jónsson
Tengill á færslu
Bæta við áliti

17.08.2012 11:01

Úrslit Héraðsmóts öll komin á vefinn

Þá eru loksins öll úrslit frá Héraðsmóti HSS í frjálsum íþróttum sem fram fór á Sævangsvelli fyrr í sumar komin á netið og í mótakerfi Frjálsíþróttasambandsins. Rétt er að benda á að útreikningar kerfisins vegna stigakeppni félaga eru ekki réttir, en Umf. Neisti vann stigakeppni félagana í ár.

Skrifað af Arnar Snæberg Jónsson
Tengill á færslu
Bæta við áliti

14.08.2012 09:26

Góður árangur á Unglingalandsmótinu

Harpa Óskarsdóttir tekur við gulli eftir sigur í spjótkasti - ljósm. VÖP

Mikill fjöldi fólks fór undir merkjum HSS á Unglindalandsmót sem haldið var á Selfossi um verslunarmannahelgina. Mótið var hið stærsta til þessa og þótti takast afskaplega vel. Að vanda var gott samstarf milli HSS og USVH sem deildu tjaldsvæði og áttu einnig sameiginleg lið í fótbolta og körfubolta. Þá var auðvitað smellt upp kaffihlaðborði og grilli.

Ungmennin frá HSS (og foreldrarnir) voru okkur til sóma með drengilegri keppni og góðri frammistöðu. Þeir sem náðu bestum árangri yfir heildina voru þau J. Ólafur Johnson og Harpa Óskarsdóttir. Ólafur náði í brons í 600 m. hlaupi í flokki 13 ára, en hann hljóp á 1:44,22. Hann varð einnig í 6. sæti í spjótkasti með kast upp á 34,44 m.

Harpa, sem var útnefnd efnilegasti íþróttamaður ársins hjá HSS á síðasta ársþingi sambandsins, varð langefst í spjótkasti 14 ára stúlkna. Hún grýtti spjótinu hvorki fleiri né færri en 33,74 m. Harpa varð einnig landsmótsmeistari í stafsetningu og endaði í 7. sæti í kúluvarpi. Frábær árangur hjá þessu unga afreksfólki. Þá varð hið fornfræga FC Lortur, sem vann knattspyrnuna í sínum flokki árið 2011, í 1. sæti af einu liði í fimleikum 18 ára pilta. Í liðinu voru m.a. þeir Benedikt Almar Bjarkason, Ólafur Orri Másson og Magnús Ingi Einarsson.

HSS þakkar öllum þeim sem fóru á landsmótið kærlega fyrir að vera glæsilegar fulltrúar Strandamanna á Suðurlandinu á þessum einstaka viðburði!
Skrifað af Arnar Snæberg Jónsson
Tengill á færslu
Bæta við áliti

13.08.2012 14:52

Umsóknarfrestur vegna Lýðháskóla að renna út


Eins og undanfarin ár styrkir Ungmennafélag Íslands ungt fólk til náms í Lýðháskólum í Danmörku. UMFÍ hefur gert samning við tíu skóla víðs vegar í Danmörku og er styrkurinn háður því að sótt sé um viðkomandi skóla. Allar upplýsingar um skólana má finna með því að smella hér. 

Umsóknarfrestur fyrir styrk á haustmisseri er til 15. ágúst. 

Fyrir nám á vorönn skal sækja um fyrir 1. desember. Frekari upplýsingar fást á Þjónustumiðstöð UMFÍ í Sigtúni 42 í síma 568-2929. Senda á styrkumsóknir á netfangið sabina@umfi.is.
Skrifað af Arnar Snæberg Jónsson
Tengill á færslu
Bæta við áliti

13.08.2012 13:58

Barnamót HSS næsta sunnudag!

Barnamót HSS í frjálsum íþróttum verður haldið á Kollsárvelli í Hrútafirði sunnudaginn 19. ágúst næstkomandi. Mótið hefst kl. 13:00. Dagskrá mótsins má sjá með því að smella hér, en keppnisgreinar eru eftirfarandi:

Börn 8 ára og yngri: 60 m. hlaup, boltakast og langstökk
Börn 9-10 ára: 60 m. hlaup, boltakast og langstökk
Börn 11-12 ára: 60 m. hlaup, kúluvarp (12 ára kasta 3 kg), spjótkast, langstökk og hástökk

Framkvæmdastjóri HSS tekur á móti skráningum á mótið, en einungis verður tekið við skráningum í netfangið tomstundafulltrui@strandabyggd.is. Skrá þarf þátttöku fyrir kl. 12:00 á hádegi laugardaginn 18. ágúst. Það er Umf. Harpa í Bæjarhreppi sem sér um undirbúning mótsins ásamt HSS.

Kvenfélagið Iðunn verður með veitingasölu á staðnum og hressilegheit svífa yfir vötnum að vanda. Nú er kjörið tækifæri til að láta ólympíudrauminn hefjast, fjölmenna á Barnamótið á Kollsárvelli og hvetja krakkana okkar til dáða!
Skrifað af Arnar Snæberg Jónsson
Tengill á færslu
Bæta við áliti

29.07.2012 22:40

Forelda og forráðamannafundur v/ULM.

Fundur verður í húsi bjögunarsveitarinnar Dagrenningar að Höfðagötu 9 á Hólmavík mánudaginn 30. júlí kl. 20:00.   Foreldrar og forráðamenn keppenda sem eru að fara á ULM á Selfossi eru hvött tilað mæta.
Skrifað af Vignir.
Tengill á færslu
Bæta við áliti

26.07.2012 21:30

Allir að skrá sig á ULM.

Skráning keppenda á ULM á norður-svæði HSS ganga rólega.    Yfir 30 krakkar eru búin að skrá sig í Bæjarhrepp-eystri í Húnavatnssýslu.  8 krakkar eru búin að skrá sig úr Bæjarhrepp-vestri, 8 krakkar frá Hólmavíkursvæðinu og 1 frá Drangsnesi.  Koma svo allir að skrá sig og stefna á ULM á Selfossi um verslunnarmannahelgina.
Skrifað af Vignir.
Tengill á færslu
Bæta við áliti

23.07.2012 22:22

Úrslit frá Héraðsmót í frjálsum.

Úrslitin í flest öllum greinum er komin inná síðu fri.is undir liðnum mót - mótaforrit.
Úrslit í stigakeppni aðildarfélaga HSS fór þannig:
1. sæti umf. Neisti   123 stig
2.    -    umf. Geislinn  115 stig
3.    -    umf. Hvöt   97 stig
4.    -    umf. Harpa  31 stig
5.    -    umf. Leifur heppni 16 stig
6.    -    Skíðafélag Strandamanna  12 stig.

Stjórn HSS þakkar öllum sem tóku þátt í Héraðsmóti fyrir þátttökuna.  Keppendum, starfsmönnum og gestum mótsins.
Skrifað af Vignir.
Tengill á færslu
Bæta við áliti

22.07.2012 00:24

ULM á Selfossi.

Skráning á ULM á Selfossi 2012.

HSS og USVH senda sameigilegt lið í körfubolta og fótbolta einsog verið hefur undarfarin ULM-mót.

Stjórn HSS ákvað að HSS mun greiða 3.000kr af keppnisgjaldinu á ULM á Selfossi.
Keppendur HSS á ULM sendi skráningar á netfangið vp@internet.is
Eftirfarandi þarf að koma fram við skráningu:
Nafn keppenda og foreldris eða forráðamanns á mótsstað.
GSM númer keppenda og foreldis, heimasími.
Hvenær kemur keppandi á mótstað.
Ef keppandi keppir í fleiri en 1 grein t.d. frjálsum, fótbolta og körfu, þarf keppandi að gefa upp forgangsröðun á greinum ef tímasetning greinanna rekst á. 
Endilega farið þið að senda inn skráningar sem allra fyrst, s.l. á laugardagskvöld 28. júlí.
 
Skrifað af Vignir.
Tengill á færslu
Bæta við áliti

05.07.2012 14:28

Héraðsmót HSS sunnudaginn 15. júlí

Héraðsmót HSS í frjálsum íþróttum fer fram á Sævangsvelli sunnudaginn 15. júlí nk. Mótið hefst kl. 13:00. Frjálsíþróttafólki úr nágrannabyggðarlögum og hvaðanæva að af landinu er velkomið að skrá sig og taka þátt. Örlítil breyting hefur verið gerð á aldursflokkaskiptingu á mótinu til að koma til móts við þyngdir áhalda í kastgreinum, en annars verður mótið með hefðbundnu sniði.

Keppnisgreinar eru eftirfarandi:

Strákar og stelpur 11 ára og yngri: 60 m. hlaup, langstökk og boltakast.
Strákar og stelpur 12-13 ára: 60 m. hlaup, langstökk, kúluvarp og spjótkast.
Strákar og stelpur 14-15 ára: 100 m. hlaup, langstökk, hástökk, kúluvarp og spjótkast.
Konur 16-29 ára: 100, 800, 1500 og 4x100m boðhlaup, langstökk, hástökk, kúluvarp, kringlukast og spjótkast.
Karlar 16-34 ára:  100, 800, 1500 og 4x100m boðhlaup, langstökk, hástökk, kúluvarp, kringlukast og spjótkast.
Konur 30 ára og eldri:  100, 800m hlaup, langstökk, hástökk, kúluvarp, kringlukast og spjótkast.
Karlar 35 ára og eldri:  100, 800m hlaup, langstökk, hástökk, kúluvarp, kringlukast og spjótkast.
Forsvarsmenn aðildarfélaga taka við skráningum fyrir sitt félag. Skráningum skal skila í síðasta lagi laugardaginn 14. júlí kl: 13:00.

Frjálsíþróttamönnum hjá nágrönnum okkar í UDN (Dalamenn og Reykhólasveit) og USVH (V-Húnvetningar) eru sérstaklega boðin velkomin á mótið. Sjáumst hress og kát í Sævangi sunnudaginn 15. júlí!

Skrifað af Arnar Snæberg Jónsson
Tengill á færslu
Bæta við áliti

05.07.2012 12:13

Fótboltafjör fyrir Strandakrakka á Hvammstanga um helgina


Um komandi helgi munu fótboltakrakkar og foreldrar úr HSS og USVH hittast á Hvammastanga til að gera sér glaða daga. Tilgangurinn með hittingnum er að krakkarnir kynnist og hægt sé að efla og styrkja hið góða samstarf sem verið hefur á milli svæðanna undanfarin ár. Viðburðurinn er hugsaður fyrir 5. flokk og yngri (fæddir 1999 og yngri), en þeir sem eru aðeins eldri eru að sjálfsöðgu velkomnir líka.

Endanleg ákvörðun um dagskrá hefur ekki verið tekin, en þó er ljóst að fjörið mun hefjast á laugardegi og standa fram á fyrri part sunnudags. Fyrirhugað er að fara í margvíslegar fótboltaæfingar og spil með foreldrum og börnum og einnig er í bígerð að spila kubb og krikket, fara í sund og grilla saman á laugardagskvöldið.

Þeir sem hafa áhuga á að fara á Hvammstanga um helgina og taka þátt í þessum skemmtilega viðburði eru hvattir til að melda sig við Vigni Örn Pálsson í síma 898-3532.
Skrifað af Arnar Snæberg Jónsson
Tengill á færslu
Bæta við áliti

05.07.2012 12:06

Þakkað fyrir stuðning við sumarnámskeið

Eftirfarandi tilkynning hefur borist frá skipuleggjendum og leiðbeinendum á nýju sumarnámskeiði sem hefst á Hólmavík í næstu viku. 

Við viljum þakka kærlega fyrir góðar móttökur með sumarnámskeiðið okkar, Viltu koma út að leika? Það gleður okkur mjög að sjá hversu vel er tekið í þessa nýjung í tómstundastarfi á Ströndum.

Námskeiðið mun hefjast 9. júlí og börn sem skráð hafa verið til leiks og foreldrar þeirra munu fljótlega fá sent bréf með helstu upplýsingum um hvað þarf að hafa meðferðis, greiðslufyrirkomulag og annað.

Við viljum þakka styrktaraðilum okkar sérstaklega, án þeirra væri erfitt að halda verði fyrir námskeiðið í lágmarki.Við viljum þakka eftirtöldum aðilum fyrir stuðninginn:
Arion banki - Hólmavík
Kaupfélag Steingrímsfjarðar Hólmavík
Lionsklúbbur Hólmavíkur
Lýður Jónsson
Sparisjóður Strandamanna
Sveitarfélagið Strandabyggð

Virðingarfyllst,
Árný Huld Haraldsdóttir og Guðmundína Arndís Haraldsdóttir.
Skrifað af Arnar Snæberg Jónsson
Tengill á færslu
Bæta við áliti
Síðasta blaðsíða
Næsta blaðsíða
Flettingar í dag: 40
Gestir í dag: 6
Flettingar í gær: 335
Gestir í gær: 29
Samtals flettingar: 181915
Samtals gestir: 21670
Tölur uppfærðar: 3.4.2025 05:07:25